Mga alagang hayop ipapakita ni Mader

MANILA, Philippines - Marami sa mga Pinoy ang mapag­ma­­hal ng mga hayop na kanilang ina­ala­­gaan sa bahay tulad ng aso, pusa, ibon, isda, atbp.

Ngayong Linggo alas-diyes nang uma­ga ay itatampok sa Q Channel 11 ce­leb­rity talk show na Life and Style with Gandang Ricky Reyes ang mga pet and pet lovers. 

Dadalaw ang host-producer na si Ma­der Ricky sa Malabon Zoo at iinter­byu­hin niya ang may-ari nitong si G. Manny Tiangco. Malalamang nagsi­mula lang bilang backyard hobby ang pangungulekta ni Manny ng mga hayop. Nang lumao’y luma­wak na nga ito at na­ging zoo na kinagigiliwang pasyalan ng mga bata at kanilang mga magulang.

Tampok din ang mga miyembro ng PAWS (Philippine Animal Welfare Socie­ty) na ang advocacy ay magkaroon ng ta­hi­mik na pamayanan sa pama­ma­gitan ng pag-aalaga ng mga hayop at pag-iwas na sila’y pagmalupitan ng mga tao.

Ipakikita rin ang Cartimar Pet Center kung saan maraming hayop na mabibili. Pati na pet studio na pinagdadalhan para sa grooming at iba pang panganga­ila­ngan ng mga alaga.