CEBU, Philippines - Nagpabilin gihapon ang respeto ni Camille Prats sa higala niya nga si Shaina Magdayao bisan sa taud-taud na nga break-up niini sa iyang igsoun nga si John. Samtang dili motoo si Camille sa isyu kabahin nila ni Shaina ug sa boyfriend niini nga si John Lloyd Cruz. Dili siya motoo nga mabuhat ni Shaina ang maong butang.Sa laing bahin, dako kaayo nga hagit alang kang Camille ang pagkalakip niya sa seryeng Bantatay gumikan kay midala siya sa papel nga kontrabida.
Panamilit
Gikahinaman na pag-ayo ang final episode sa seryeng “Langit Sa Piling Mo” karong hapon. Malampuson ang pagpakasal nila ni Marj (Heart Evangelista) ug Rigo (Mark Herras) apan daghan ang nabalaka gumikan kay buhi pa diay ang kontrabida nga si Aurora (Katrina Halili). Samtang daghan karon ang mihangyo nga mag-uban pagbalik sa usa ka serye sila si Mark ug Heart tungod sa bongga nila nga chemistry sa maong serye.
Buwi nagtinapolan
Masayran na karong gabii kung kinsa ang ikaduhang castaway matagak sa “Survivor Philippines : Celebrity Showdown” after “24 Oras.” Matud pa nga daghan ang gusto nga ang head sa Magan Tribe nga si Buwi Meneses maoy angayan nga matagak sa maong show. Daghan ang naglagot kang Buwi gumikan kay imbes siya ang moalsa sa 26 ka kilo nga balas , iya kining gipasa ngadto kang Elma Muros.
Claudine dili na gyud motingog
Dili tinuod ang balita nga miapil matud pa ang mga ginikanan ni Claudine Barretto sa gibuhat nga husay sa Star Magic tali sa ilang anak ug ang Kapamilya star nga si Angelica Panganiban . Matud pa nagpakahilom lang ang kampo ni Claudine kalabot sa isyu.
Mekaniko gikiha ni Sam
Mipasaka og kasong estafa si Sam Milby batok sa usa ka mekaniko nga igo ra matud pa nga midawat og P265, 734, apan wala tiwasa pag-ayo ang iyang Toyota Grandia.
Pletihan ang direktor
Si Al Quinn na ang direktor sa star search sa TV5 nga “Star Factor.” Ang TV5 maoy mu-plite sa beteranong director pauli diri sa Pilipinas.
Barbie-Joshua sa Agimat
Pasok sila si Barbie Forteza ug Joshua Dionisio sa 2010 MMFF entry “Agimat Ni Enteng.”
Iza puli sa Endless
Ang The Beauty Queen ni Iza Calzado maoy hulip sa Endless Love nila ni Dingdong Dantes ug Marian Rivera.