CEBU, Philippines - Luyo sa mga hungihong nga magsugod na sa dili madugay ang giingong noontime show ni Willie Revillame sa TV 5, subling miluwat og opisyal nga pamahayag ang ABS-CBN kabahin sa estado sa kontrobersyal nga TV host.
“Gusto naming bigyang diin na si Willie ay nakatali pa rin sa ABS-CBN at nakahanda kaming hamunin sa korte ang anumang kontrata na nauugnay sa kanyang produksiyon o pagpapalabas ng programa sa ibang network,” nagkanayon ang head ABS-CBN Corporate Communications nga si Bong Osorio.
Gipadayag kini sa kampo sa Dos isip tubag sa hangyo ni Willie Revillame sa korte nga ibasura na ang iyang kontrata sa nahisgutan nga network nga mapupos sa September sunod tuig pa.
Kahinumduman nga nagsugod ang problema human iyang gikabangi si Jobert Sucaldito gumikan kay misaway kini sa programa niya nga Wowowee.
Gisundan usab kini sa pagpadala og suwat ni Willie sa mga kadagkoan sa Dos nga gisalikway na niya ang iyang kontrata.
Pero matud pa ni Willie nga sa labing unang higayon misuwat siya sa ABS-CBN management ug mihangyo nga buhian na lamang siya.
“That was the first time na sumulat ako, na nagpapa-release ako. Sinabi kong lahat ng pinagdaanan ko sa ABS-CBN, na ayoko nang makasakit pa.Sa tingin ko, at sa tingin din nila, hindi na ako mahal o hindi na ako minamahal. Sabi ko, ako na ang aalis, ako na ang magpapaalam,” nagkanayon siya.
Bisan pa man sa hagit sa Dos gidungog nga padayon ang pagpangandam ni Willie sa umaabot nga show sa TV 5 nga dunay tentative title nga Wiling Willie Kami.