TRUE : Ang ina na ni Glaiza de Castro na si Nanay Cristy ang nagbuking na may espesyal na namamagitan sa kanyang anak at kay Felix Roco.
Hindi nakaligtas si Nanay Cristy sa pangungulit ng mga reporter tungkol sa relasyon ng dalawa kaya napilitan siyang magkuwento na madalas dumadalaw si Felix sa kanilang bahay.
Nakikita naman daw niya kay Felix na mabuting bata ito kaya hindi na niya pinapakialaman ang lovelife ng anak na aktres.
Sagot naman ni Glaiza, ganun naman daw talaga silang magkakabarkada. Kung minsan ay kina Felix at Dominic (kambal) sila nakatambay, minsan ay kina Maxene Magalona naman o di kaya ay sa kanilang bahay sila nagpapalipas ng oras.
Pero ang tawagan ngayon nina Glaiza at Maxene ay twin sister, dahil pareho silang sa Roco twins na-in love?
TANONG : Ano kaya ang reaksiyon ni Manny Pacquiao sa balitang nalulong na raw sa droga si Ricky Hatton magmula nang talunin niya ito sa ring?
Nag-post si Dyan Castillejo sa kanyang Twitter account : “Sad to read naman, Ricky Hatton admits to cocaine addiction. Will check in to rehab doon, reports say he started after loss to Pacman.”
TOTOO KAYANG isa sa Kapamilya talents na lilipat na raw sa GMA 7 ay si AiAi delas Alas?
“Hindi ah!” mabilis na sagot sa akin ni AiAi nang tinanong namin bakit nandun siya sa studio ng Startalk nung nakaraang Sabado.
Si Joey de Leon pala ang sadya niya roon dahil pinakiusapan niya itong mag-guest sa kanyang birthday concert sa November 19 na gaganapin sa Araneta Coliseum.
Kaagad namang pumayag si Joey at pati si Vic Sotto ay napakiusapan na rin niya.
Isang malaking concert ang gagawin niya kasabay ng celebration ng 20th anniversary niya sa showbiz.
TSIKA LANG : Nagtataka si Mr. Fu kung saan nanggagaling ang balitang umalis na ito sa Tweetbiz nang hindi ito nakita sa Thursday at Friday episode nung nakaraang linggo.
Hirap lang nun magsalita ni Mr. Fu pagkatapos niyang mabunutan ng ngipin, pagkatapos biglang naglabasang hindi na raw ito babalik sa Tweetbiz at si Tim Yap na naman ang napagbintangan.
“Kawawa naman si Tim. Lagi na lang nasisisi. Pero sa mga nagtatanong kung nasa Tweetbiz pa ako. Opo sa Tweetbiz pa naman ako. Abangan na lang ang susunod na kabanata,” makahulugang pahayag ni Mr. Fu.