CEBU, Philippines - Tsika pa ni Sharon Cuneta nga good influence si Piolo Pascual ngadto sa iyang anak nga si KC Concepcion.
Tataw nga dakong uyon si Sharon ni Piolo tungod sa kabuotan niini kaniya.
“Siguro, ‘yung earlier na medyo nali-link siya sa isang medyo malaki ang age gap sa kanya, na-bother ako sa age gap, not so much du’n sa person. Na later on naman, parang kami ‘yung nagte-text, na naiinis na ako dahil di na niya ako tine-text,” nagkatawa nga gipadayag ni Sharon.
Kahinumduman nga na-link kaniadto si KC sa kanhi bokalista sa Rivermaya nga si Rico Blanco ug mao kini ang gidungog nga first love sa dalaga. (Sanden J. Anadia)
Mga Sugbuanon sa IDOL
Ang pagkawhat og primetime TV exposure, dili basta-bata. Iya lamang kini sa mga bulahan. Kung makaangkon ka og primetime TV exposure ug sa samang higayon makauban nimo ang pipila sa mga labing dakong bituon sa industriya, mura na ka og nakadaog og lotto. Labaw sa tanan, kung duna kay primetime TV exposure, makauban pa nimo ang pipila sa mga dagkong ngalan sa industriya, samtang makaangkon ka og higayon nga musayaw, mukanta, ug mu-arte, atubangan sa milyones nga nagtan-aw og telebisyon niining orasa, makaingon gyud ang uban og “ Ikaw na Gayud!” Perte gyud nimo ka pinangga sa Ginoo!
Ingon niini karon ang matang sa swerte nga misagpa sa upat ka mga Sugbuanon nga, human sila malakip sa labing unang kanta-serye sa ABS-CBN, ang IDOL.
Pwes atong ilailahon kining upat ka mga Sugbuanon nga mao karon ang labing bag-ong mga binuhat nga mihatag og garbo sa Sugbo sa natad sa kalingawan:
The Alpha Male
Kinsay wala makaila kang Van Roxas? Gwapo, puno sa talento, ug may mga mata nga daw nagpangamay. Una siyang gikagubtan, dili lang sa kababay-an kundili lakip na sa mga kabayotan, dihang naaninaw siya pinaagi sa Pinoy Dream Academy 2 niadtong 2008. Wala man tuod siya nagmadaugon, si Van ang giisip nga labing taas og nakab-ot nga kalampusan sa tanang nahilakip sa maong reality show. Tuod man, labihan kahumot sa iyang ngalan, perteng daghanang TV guestings, ug gilaraw na dayon ang iyang mga proyekto nga tataw nga maoy muhatod niya sa tumoy nga bahin sa kalampusan. Apan sa kalit lang, mitalikod siya sa industriya ug milupad paingon sa Estados Unidos aron makauban ang iyang pamilya, ug mutapos og nursing diploma, samtang milingaw pud sa nagkadaiyang Filipino communities didto.
Sa iyang pagbalik sa Sugbo human sa usa ka tuig, buot lamang unta niyang magpahayahay ug puy-an sa makadiyot ang kanindot sa dapit nga iyang gigikanan. Apan, wala niya damhang subli nga nanuktok ang showbiz sa iyang kasingkasing. Wala magdugay, subli siyang nahianod pagbalik sa industriya nga wala mitalikod kaniya.
Dali siyang nakabalik, human siya nalakip sa Your Song Presents: Maling Akala series kauban sila si Kim Chiu ug Aiai De Las Alas. Sinugdanan pa lamang kadto, sanglit nalakip siya sa labing dakong pambato sa Kapamilya network pagkakaron, ang IDOL. Siya maoy Leader sa mga alpha males. (BANATSHOWBIZ)