Sina Andi Eigenmann, Carla Abellana, at Shaina Magdayao ang bida sa Shake, Rattle & Roll XII, one of the two entries of Regal Films to the 2010 Metro Manila Film Festival (MMFF). Napili na rin nina Mother Lily Monteverde at Roselle Teo ang magdidirek sa three episodes.
Si Andi ang bida sa Isla Engkanto episode to be directed by Topel Lee. Si Carla ang bida sa Funeraria na si Jerold Tarog ang director at si Shaina naman ang bida sa Manika episode sa direction ni Zoren Legaspi.
Hindi nabanggit sa amin ang kasama ni Andi sa Isla Engkanto, pero si Carla, makakasama sina Sid Lucero na brother ni Geoff Eigenmann, Nash Aguas, at Ciara Sotto.
Join naman sa cast ng Manika episode sina Ricky Davao, Mart Escudero, at childstar na si Elijah na kasama sa Wachamakulit.
* * *
Tuloy na this Monday ang shooting ng opening scene ng Mrs. Recto, ang first indie film na gagawin ni Regine Velasquez sa direction ni Dante Garcia. Sa C.M. Recto Avenue overpass sa harap ng Isetann ang eksena, isa sa pinakamataong lugar sa Recto at tiyak na dodoble pa ang tao ’pag nalamang nagsu-shooting si Songbird.
Isa ang indie film sa mga tatapusin ni Regine bago ang beach wedding nila ni Ogie Alcasid at dahil may wedding gown na siya at ang fiancé ang in charge sa wedding preparation, hindi masyadong maha-harass si Regine sa pag-aasikaso sa kasal na sa isang island gagawin.
Cute nga dahil everytime may bagong detalye sa wedding, si Ogie ang nag-a-announce. Gaya ng kung sino ang mga kakanta sa kasal na kinabibilangan nina Lea Salonga na kakanta ng Kailangan Ko’y Ikaw, Martin Nievera (Ikaw ang Aking Pangarap), Jaya at Janno Gibbs na the same song ang duet, Kyla at JayR (duet ng Hanggang Ngayon), Gary Valenciano (Kailangan Kita), at Tux na favorite ni Regine.
* * *
Naniniwala si Stef Prescott na deserving siyang mapasali sa Grazilda at deserving siya sa role ni Tonette na isang spoiled brat at inggitera dahil nag-audition siya for no particular role at ang nabanggit na role ang ibinigay sa kanya.
Pagkapili, nag-workshop siya kasama ang buong cast at nangakong gagalingan ang trabaho para hindi magsisi ang mga naniwala at nagtitiwala sa kanya. Mapupuri si Stef dahil hindi namimili ng role, basta kaya, go siya at hindi nagpi-feeling bida.
Samantala, enrolled si Stef sa SKD Academy sa Quezon Avenue, Quezon City na isang culinary school. Dream ng aktres na magtayo ng restaurant pero nasa showbiz pa rin siya. Pasta ang specialty niya at gustong pag-aralan ang baking.
Kinalimutan muna ni Stef ang lovelife after nilang mag-break ng non-showbiz BF after five months. Tanggap ni Stef na ipinagpalit siya ng ex sa ibang babae.
* * *
Monday sa Trudis Liit, pinalayas ni Nick (Cris Villanueva) si Migs (Mike Tan) na ikinalungkot ni Trudis. May biglang hihila kay Ched (Maxene Magalona) at makikitang si Migs ang may gawa at ipapaliwanag kay Ched kung ano niya si Ronnie (Ian Veneracion).
Natakot si Lolly (Gina Alajar) nang magalit si Precious (Chynna Ortaleza) nang pagbantaan niyang ’wag agawin si Nick kay Honey (Pauleen Luna). Narinig ni Trudis ang usapan nina Lolly at Precious tungkol sa misyon.