TRUE : Naging bahagi na ng love affair nina Ogie Alcasid at Regine Velasquez ang musika kaya mala-musical din ang kanilang kasal na gaganapin sa isang beach resort.
Mga awiting likha ni Ogie ang kakantahin sa buong seremonya pati sa reception.
Tiniyak ni Ogie na kakanta siya pero hindi si Regine dahil araw niya iyon at siya lang ang kakantahan.
Original song na ginawa ni Ryan Cayabyab ang bridal march, at ang iba ay mga awitin ni Ogie na kakantahin ng mga kaibigan nilang dalawa.
Nag-confirm na si Lea Salonga na siyang kakanta ng Kailangan Ko’y Ikaw. Si Gary Valenciano naman ay Kailangan Kita. Si Martin Nievera naman ang kakanta ng Ikaw ang Aking Pangarap. Magdu-duet naman sina JayR at Kyla ng Hanggang Ngayon o ’di kaya Mahal Kita, Walang Iba. Kakantahin din nina Janno Gibbs at Jaya ang Ikaw ang Pangarap na hindi naman likha ni Ogie pero nagustuhan lang nito ang version ng dalawa.
Marami pang kakanta sa seremonya at reception kaya punung-puno ng kantahan ang kanilang kasal.
Patrick at Dennis nagtuos na!
TANONG : Nagseselos na nga ba si Dennis Trillo sa pagiging malapit na ni Jennylyn Mercado at Patrick Garcia?
Mariing itinatanggi ito ni Dennis dahil tapos na sila sa mga selos-selos na ganyan.
Ikinuwento na rin ng aktor na nagkita na pala sila ni Patrick at maayos naman ang kanilang pagkikita.
Nagpasalamat ba si Patrick kay Dennis at isa ito sa nagkumbinse kay Jennylyn na makipag-ayos na at ipakilala ang anak nitong si Alex Jazz?
“Hindi na niya kailangang magpasalamat. Desisyon na rin naman ni Jen ’yun,” pahayag ni Dennis.
Baguhang alaga ng GMA 7 may attitude problem agad
TOTOO KAYANG bago pa lang itong Cebuanang si Ellen Adarna ay may attitude problem na sa trabaho?
May nagkuwento sa aming baka palitan na si Ellen sa Asar Talo Lahat Panalo ni Edu Manzano dahil sa bigla na lang itong nawawala.
Lagi na lang itong hinahanap sa kalagitnaan ng taping dahil nasa labas lang ito para manigarilyo. Ang lakas nitong manigarilyo na nakakaabala sa kanyang pagti-taping sa bagong game show na ito ng GMA 7.
Sa Sabado na pala magsisimula itong Asar Talo bago mag-Eat Bulaga.
Gwen game kay Aljur
TSIKA LANG : Kasabay ni Ellen na ini-launch sa GMA 7 ay ang magandang si Gwen Zamora na gumaganap bilang Cinderella sa Grazilda.
Ang cute nito at totoong-totoo kung sumagot sa mga tanong sa kanya.
Hindi nito itinatago ang matinding pagka-crush kay Aljur Abrenica kaya kapag ito na ang itinatanong sa kanya, kinikilig na ang newcomer.
Nung mag-guest ito sa Startalk, sinorpresa sa kanya si Aljur via phone patch. Sinabi ni Aljur sa kanya na sana magkasama sila isang programa, sagot agad ni Gwen. “Game!”