Feeling nanay sa dyowa ng anak, problema ni Mark inaayos ni Nadia

Nag-usap kami ni Nadia Montenegro dahil siya ang tumutulong sa pag-aasikaso ng problema ni Mark Herras sa BIR.

Inosente si Mark sa kaso na isinampa ng BIR laban sa kanya kaya aayusin niya ang problema sa linggong ito.

Pinaninindigan ni Mark ang kanyang statement na never siyang naging kasosyo ng isang dance bar na nagsara sa Araneta Coliseum Circle.

Inalok noon si Mark na maging kasosyo pero umatras siya dahil hindi pa tapos noon ang pagbabayad sa townhouse na binili niya para sa kanyang pamilya.

Thank you nga pala kay Nadia dahil sa masarap na egg sandwich at ulam na ipinadala niya sa akin kahapon.

Glaiza biglang humina ang boses

Humina ang boses ni Glaiza de Castro nang tanungin ko siya kung totoo na boyfriend niya si Felix Roco, ang twin brother ni Dominic Roco.

Napa-smile si Grazilda pero hindi ko narinig ang kanyang sagot dahil humina nga ang boses niya.

Matagal nang nali-link sa isa’t isa sina Glaiza at Felix pero dedma sila sa isyu. Si Dominic ang co-star ni Glaiza sa Grazilda, ang bagong fantaserye ng GMA 7 na magsisimula bukas.

James inoperahan

Naka-confine si James Yap sa ospital dahil nagpatanggal siya ng polyps sa kanyang ilong.

Hindi makapagsalita si James dahil sa operasyon kaya super-text na lang siya sa mga tumatawag sa kanyang cell phone.

Sinamantala ni James ang mahabang bakasyon sa PBA. Inaasikaso niya ang mga dapat asikasuhin, pati na ang personal na problema nila ni Kris Aquino.

Jomari naughty ang smile sa relasyon nina Lovi at Ronald Singson

Hindi nasagot ni Jomari Yllana ang tanong ko kung may private time sina Lovi Poe at Congressman Ronald Singson kapag binibisita ito sa Hong Kong ng kanyang girlfriend.

Walang malisya ang tanong ko pero naughty smile ang ibinigay sa akin ni Jomari. Magkaibigan at business partners sina Jomari at Ronald. May communication ang dalawa dahil tuloy ang kanilang mga business kahit nasa ibang bansa si Ronald.

Si Jomari ang punong-abala sa promo ng concert ni John Mayer sa October 1. Siya ang nagsabi na hard-working si Ronald kaya hindi ito sanay na walang ginagawa. Madalas na nag-uusap sina Jomari at Ronald dahil sa coming soon concert ni John.

Bunny paras buntis na uli

Si Bunny Paras ang former young star na six months pregnant sa kanyang Fil-Am husband. Mas kilala si Bunny bilang ex-dyowa ni Mo Twister.

May isang anak sina Bunny at Mo, si Moira na palaging umuuwi ng Pilipinas para magbakasyon sa bahay ni Sharmaine Arnaiz.

 Baby boy ang ipinagbubuntis ni Bunny kaya happy ito. Excited si Bunny sa nalalapit na pagsisilang sa kanyang baby boy dahil meron na siyang anak na babae.

Pacman ayaw patulan ang ignorante

Hindi pinatulan ni Congressman Manny Pac­quiao ang racial slur ni Floyd Mayweather, Jr. laban sa kanya.

“Ayokong patulan ang isang uneducated statement” ang buong confident na siney ni Manny nang tanungin ito sa reaksiyon niya sa pang-aasar ng baklitang si Mayweather.