Wiling-Willie Kami! bag-ong pambato sa TV 5?

CEBU, Philippines - Matud pa nga gipangandaman na pag-ayo ni Willie Revillame ang gidungog niya nga show sa   TV 5 nga Wiling Willie Kami ug giingong co-production usab kini sa Viva Entertainment nga gidumala ni Mr. Vic del Rosario.

Dugang pa sa tinubdan sa PEP nga bisan usa kini ka noontime show, dili live ang pagpasalida niini. Apan duna pu’y mitumaw nga taho nga ibutang kini sa primetime ug gihugon-hugon nga sugdan kini sa unang bahin sa Oktubre, posibli nga Oktubre 10.

Gikatahong dul-an sa 30 ka mga staff sa Wowowee kaniadto ang mahimong kabahin sa bag-ong programa sa TV 5.

Luyo sa maong report , wala gihapon mahuman ang gitawag nga legal battle tali ni Willie ug sa kanhi niya network nga ABS-CBN.

Kahinumduman nga mipasaka si Willie og P11.5-million case batok sa ABS-CBN gumikan sa pagkatangtang niya sa Wowowee . Dili pa lang dugay gihangyo sa TV host sa korte nga tagaan siya og “judicial confirmation” sa   pagbasura niya sa iyang kontrata sa ABS-CBN.

Apan ang kampo sa Dos mihulagway nga “behavioral provisions” ang kontrata ni Willie sa ilang network busa wala’y katungod ang TV host sa pagtalikod sa iyang kontrata.