Bangs inaagaw si Billy kay Nikki?
Alam nating lahat kung gaano kaganda ang relasyon ng magkasintahang sina Nikki Gil at Billy Crawford. Ang sweet ng dalawa mapaharap man o likod ng camera kaya matagal-tagal na rin ang kanilang pag-iibigan.
Kamakailan ay napabalitang nagkahiwalay na sina Billy at Nikki, si Bangs Garcia ang itinuturong dahilan sa nasabing hiwalayan. “Nabalitaan ko ’yan! I don’t wanna say anything kasi nagka-work kami ni Bangs. Huwag naman tayong mandamay sa walang kasalanan, at wala naman kaming dapat pag-usapan ni Bangs kasi okay kami pero nagkakabiruan kami na ano ba naman ’yang nababalita sa atin,” nakangiting pahayag ni Nikki.
“Naku! Narinig ko ’yan galing kay Nikki pa kasi siya rin ay nahihiya kasi ako rin ay kasali sa issue. Sabi ko, huh? Ano ang connect? Ni wala kaming communication o we never worked together siguro I would understand kung katrabaho ko,” esplika naman ni Bangs.
Spotted daw si Bangs malapit sa condominium ni Billy kaya na-link ang sexy actress sa binata.
“Mayroon akong kasama sa Eastwood, may nagsabi na kamukha ni Billy pero no hindi talaga,” sabi pa ni Bangs.
“At least ay hindi nag-deny si Bangs na may kasama, hindi nga lang si Billy. What a girl!”
Baby nina Juday at Ryan hinihintay umikot si Lucho
Kitang-kita ang excitement sa daddy to be na si Ryan Agoncillo. Malapit na kasing manganak ang kanyang maybahay na si Judy Ann Santos. “For the next four weeks we can expect that she can give birth. I’m very excited kasi ang lapit na, ’yung gamit pambata medyo kumpleto na. ’Yung room ng bata ay patapos na rin, ’yung nursery at gamit ni mommy sa pag-aalaga ay okay na rin,” pahayag ni Ryan.
Mayroon ding ibinahagi si Ryan tungkol sa kondisyon ngayon ni Juday at ng kanilang baby boy.
“Last month noong nakita namin ang ultrasound ay suhi, ’yung una ’yung paa ang unang lalabas pero ngayon ay tumagilid na siya. We’re hoping in the next few weeks ay tumuloy na ’yung pag-ikot niya,” dagdag pa ni Ryan.
Nakahahanga rin na magiging hands on daw sina Ryan at Juday sa kanilang bagong baby. “Actually, it’s Juday’s decision. I was surprised, sabi ko nga ay parang masyado kang nadadalian sa pagbubuntis ah. Sabi niya, ayaw na muna niya mag-yaya right away. Gusto na muna niyang tingnan kung hanggang saan magpu-push ’yung pangangarir sa pagiging ina,” kuwento ni Ryan.
Juan Luis ang napiling pangalan nina Juday at Ryan para sa kanilang baby na “Lucho” naman ang nickname. Excited din ang panganay nilang si Yohan dahil magiging ate na ito.
Pati kami ay excited na excited na rin tuloy. — Reports from JAMES C. CANTOS
- Latest
