CEBU, Philippines - Naukay ang kadaghanan sa dihang giangkon ni Richard Guttierez nga buwag na sila ni Jewel Mische human sa tulo ka tuig nila nga relasyon.
Wala hinuon giklaro sa aktor ang hinungdan sa ilang break-up apan iyang gitataw nga naa pa’y luna si Jewel sa iyang kasing-kasing.
“Jewel and I had something very special. Yes, I admit it. And she will always be special to me. She has a place in my heart and until now we are still communicating, yes,” saysay pa ni Richard.
Samtang malipayon si Richard nga gumikan sa programa niya nga Survivor Philippines: Celebrity Showdown kay nakahatag gyud siya og igong panahon alang sa iyang kaugalingon.
“But like what I said I had a lot of time in the island to think things through and I realize that it’s better for me now to learn more about who I am as a person and be a better man somehow, someway and focus. So maniwala man kayo o hindi, ngayon, I’m single,” dugang pa sa aktor.
Bella naglikay ni Dingdong
Matud pa nga midistansiya si Bella Padilla kang Dingdong Dantes bisan kauban pa sila sa seryeng Endless Love. Gibuhat kini ni Bella aron dili siya selosan sa uyab ni Dingdong nga si Marian Rivera.
Troy bantay bata
Si Troy Montero maoy nagbantay sa duha ka anak nila ni Aubrey Miles sa dihang gihimo pa ang Survivor Philippines: Celebrity Showdown. Castaway si Aubrey sa maong reality show ug malipayon kini nga subli na niya nga nakauban ang iyang mga anak human sa pipila ka adlaw nga pag-istar sa Thailand.
International career ni Billy banhawon
Plano ni Billy Crawfod nga banhawon pagbalik sunod tuig ang iyang international singing career busa gipaabot ang kanunay niya nga paglarga sa ubang nasud. Giklaro hinuon ni Billy nga dili maapektohan ang relasyon nila ni Nikki Gil sa maong plano. “Kung mahal mo ang isang tao and you really love your relationship, gagawa at gagawa ka ng paraan na mag-work ang oras ninyo para magtagpo kayo and para mag-work yung relationship,” nagkanayon si Billy ngadto sa PEP.