CEBU, Philippines - Sa 18 ka castaways sa “Survivor Philippines: Celebrity Showdown”, si Princess Snell ra ang wala moitom ug puti gihapon ang pamanit niini hangtud nahuman ang maong show. Si Princess maoy giila nga “pasaway” sa Survivor ug tak-om gihapon kini sa isyu nga matud pa siya ang gipasabot sa blind item nga castaway nga gustong moundang sa maong show apan wala madayon gumikan kay wala mosugot ang management.
Lovi nangita og tsansa
“Let’s see, kung may chance,” mao kini ang tubag ni Lovi Poe sa dihang gipangutana sa mga sakop sa media kung andam pa ba siya mobalik sa Hongkong aron duawon ang napriso niya nga uyab nga si Rep. Ronald Singson bisan pa man sa nahitabo nga hostage drama sa milabay nga adlaw diin mga taga HK ang mga biktima. Samtang karong Domingo na magsugod ang “Lovebug Presents Say I Do” sa GMA-7 diin sa unang higayon magpares sila si Lovi ug Mark Anthony Fernandez.
“Ganda ng Lola Mo”
Pormal na nga gipaila-ila ni Ricky Reyes ang mga image models sa iyang “Ganda ng Lola Mo” campaign ug kini naglangkob sa 72 anyos nga si Gloria Romero, Pilita Corrales nagpangedaron og 70 ug ang 66 anyos nga si Barbara Perez. Ang mga nahisgutan maoy giila ni Ricky “Three of the most beautiful women in the world”. Tsika pa ni Barbara nga nalingaw siya sa iyang kinabuhi gumikan kay permi niya nga ikauban ang iyang mga apo. Samtang si Gloria ang saktong oras sa pagkatulog maoy iyang sekreto nga bata pa siya tan-awon.
Alma wala mosakay sa opportunidad
Dili madayon ang subli unta nga panag-uban nila ni Joey Marquez ug Alma Moreno sa usa ka programa sa telebisyon. Wala madayon si Alma sa Love Bug Presents Say I Do sa GMA-7 gumikan sa ka-busy sa iyang trabaho isip konsehal sa Parañaque. Bida unta sa maong episode ang anak ni Alma nga si Mark Anthony Fernandez.
Joshua nagpa-eskwela sa iyang igsoun
Tungod sa kadaghang proyekto sa telebisyon, nakatigom na og maayo ang batang aktor nga si Joshua Dionisio ug gikataho nga siya maoy nagasto sa pagtungha sa 12 anyos niya nga igsuon. “Ako na rin ang nagsabi kay mommy na tutulongan ko sila na pag-aralin si Jacob since kumikita na ako. ’Yung ibang pera ko ay tinatago ni mommy para sa education ko. Babalik naman ako sa school next year kaya ipon lang nang ipon ngayon,”nagkanayon si Joshua.
Ian perming mag-under wear sa Survivor
Ang castaway sa Survivor Philippines: Celebrity Showdown nga si Ian Batherson maoy gikataho nga mag-under wear kanunay sa isla. “Maybe after Survivor Philippines, they can get me as an underwear model na. Mapapanood nila na I’m always in my undies in the show. I wore one that is spandex and one sort of a boxer short. Pero I’m very confident wearing underwear in the island,” nagkanayon si Ian.