Pokwang nasakitan

CEBU, Philippines - Nakugang ug nasagmuyo og maayo si Pokwang sa dihang nasayran niya   nga gusto diay ni Willie Revillame nga ipatangtang siya ug si Mariel Rodriguez sa programang Wowowee kaniadto.Midepensa pud ang komedyante kabahin sa mga obserbasyon nga wala siya’y utang kabubut-on ni Willie.  “Ako, yung totoo lang, wala akong ano kay Kuya. Hindi po totoo na wala akong utang na loob, na ingrata ako. Marunong po akong tumanaw ng utang na loob. Kaya lang, kasi magsalita ako’t hindi, isa lang ang magiging husga sa akin ng mga malapit sa kanya talaga,” nagkanayon si Pokwang.

Bea ug Oskar mag-abot

Gikatakdang mo-guest sa dili madugay sa seryeng Magkaribal ang sikat nga fashion designer nga si Oskar Peralta. Busa daghan na ang nag-atang kung unsa kaha ang reaksiyon ni Bea Alonzo sa pagsulod ni Oskar sa maong serye. Kahinumduman nga nangluod si Oskar kang Bea kaniadto sanglit siya maoy nakadiskubre sa dalaga apan wala na siya tagda niini.

Mariel ug Robin naglikay sa media

Sukad sa pag-abot nila ni Mariel Rodriguez ug Robin Padilla gikan sa India, pareho sila nga tak-om sa isyu nga matud pa nagpakasal silang duha sa maong nasud. Matud pa sa tinubdan sa Pang Masa nga mosulti ra si Mariel sa saktong panahon kalabot sa maong isyu. Sunod semana gikatakda nga molupad ang duha sa Hongkong. Giingong naglikay ang duha sa media aron dili na modako ang isyu.