CEBU, Philippines - Gibalewala lang nila ni Billy Crawford ug Nikki Gil ang mga pagsaway kabahin sa gipakita nila nga sweetness sa set sa ASAP XV . Nagkanayon si Billy nga dili kini problema sanglit wala man nila gipasagdan ang ilang mga trabaho.
Super Inday giilogan
Namantala dinhi sa Banat Hugyaw sa miaging adlaw ang taho kalabot sa giingong pag-umol sa TV 5 alang sa TV version sa Super Inday apan daghan ang nakurat gumikan kay interesado usab diay ang ABS-CBN . nga mikuha sa rights niini. Giingong si Melissa Cantiveros ang himoong bida kung mapalit kini sa Dos.
James-Devon tandem gipangita
Migawas karon sa mga online forum ang request sa mga fans ni James Reid nga tagaan og serye ang ilang idolo ug si Devon Seron ang gusto nila nga mapares niini. Hinuon kumpirmado nga malakip si James sa umaabot nga youth oriented show sa Dos apan dili pa segurado kung si Devon ba ang mahimo niya nga leading lady.
Sunshine wala mawad-i og paglaum
Gikataw-an lang ni Sunshine Dizon ang lenngua sa iyang mga kritiko nga matud pa nalawos na ang iyang career busa angayan na lang kini nga mopahuway sa showbiz. Tsika pa sa aktres nga dili siya magpa-apekto niini gumikan kay masaligon siya nga duna pa siya’y katakos nga palambuon pagbalik ang iyang career.