Lovi puro lie ang sagot!

Seen : Ang pagbubulgar ni Governor Luis “Chavit” Singson na kasintahan si Lovi Poe ng kanyang anak na si Congressman Ronald Singson.

Scene : Hindi inaamin nina Lovi at Congressman Ronald Singson ang kanilang relasyon. “Hindi pa siya sinasagot ni Lovi” ang showbiz na showbiz na sagot ng nakulong sa Hong Kong na kongresista. Puro “lie” ang resulta ng lie-detector machine sa mga sagot ni Lovi sa Don’t Lie To Me segment ng Showbiz Central.

Seen : May sakit na dengue si Nadia Montenegro. Dasal para sa kanyang speedy recovery ang hiling ng mga kaibigan ni Nadia.

Scene : Natuwa si David Archuleta nang makakita siya ng Filipino store sa Amerika. Hindi malimutan ni David ang mainit na pagtanggap sa kanya ng mga Pilipino nang magkaroon sila ng concert sa Pilipinas ni David Cook.

Seen : Pinupuri ni Charice at ng Glee star na si Harry Shum, Jr. ang isa’t isa. Nagkasama ang dalawa sa taping ng Glee noong Biyernes. Qualified members sina Charice at Harry ng Mutual Admiration Society.

Scene : Ibi-build up ng GMA 7 si Frencheska Farr tulad ng pagpapasikat ng Viva kay Sarah Geronimo. Nakaharap si Frencheska sa malaking hamon.

Seen : Magkasabay na bumalik sina Mariel Rodriguez at Robin Padilla mula sa India. Dumating sila kahapon sa Pilipinas.

Scene : Stay humble ang paalaala kay Kris Aquino ng kanyang kapatid.