CEBU, Philippines - Gipangandoy ni Niña Jose nga malakip sa usa ka fantaserye sa ABS-CBN. Hinoun giklaro sa aktres nga wala siya magdali basta ang importante kaniya nga dili mabakante ang iyang showbiz career.
ABS-CBN girespeto sa GMA
Giingong dako kaayo og respeto ang GMA News & Public Affairs ngadto sa ABS-CBN News & Current Affairs. Matud pa nga wala gyud gi-report sa GMA-7 ang nahitabo nga welga sa 47 ka mga empleyado sa news department sa Dos kinsa mireklamo nga gitangtang nga walay nadawat nga notice.
Cristine-Ara series hanap
Nagkahanap ang plano ni Cristine Reyes nga iyang makauban ang iyang igsuon nga si Ara Mina sa usa ka teleserye. Giingong busy ang career ni Ara sa GMA-7 partikular na sa programang Ilumina busa maglisod kini og guest sa mga programa sa Dos.
Wilma mitingog na
Matud pa ni Wilma Doesnt nga hangtud pa sa October 2010 ang iyang kontrata sa The Sweet Life busa nahibulong siya og maayo kung nganong gitangtang siya sa maong show.
Eugene gihangop ni Direk Joel
Gidayeg og maayo si Eugene Dominggo sa iyang direktor sa pelikulang Mamarazzi nga si Joel Lamangan. Matud pa ni Direk Joel nga dali ra kaayo makasunod si Eugene kung unsa ang nakabutang sa script ug sayon ra usab alang sa komedyante ang pagpangita og paagi aron kataw-anan ang resulta sa gihimo niini nga mga eksena.