CEBU, Philippines - Giingong gusto gyud diay ni Willie Revillame nga mobalik sa programang Wowowee niadtong July 31 apan wala kini tugti sa network tungod sa kadaghan niya og gustong mahitabo.
Matud pa nga wala tumana ang gusto ni Willie tungod sa mga dili makiangayon nga kondisyon sa TV host.
Giingong usa sa mga kondisyon sa TV host mao nga inigbalik niya sa noontime show, kinahanglan nga wagtangon na sa maong show sila si Mariel Rodriguez ug ang komedyante nga si Pokwang.
Giingong mihangyo usab si Willie nga suweldohan siya bisan pa man nga nasuspenso siya sa programa.
“Wala pong naging kasunduan ang management ng ABS-CBN at si Willie na babalik na siya sa Wowowee noong July 31. Ang suspensyon ni Willie ay matatapos po sa August 24 pa. Si Willie ang may gustong bumalik na siya sa Wowowee noong July 31. Ang totoo po, wala pang desisyon ang management noon, bilang pagbibigay halaga sa damdamin ng mga manonood na ang iba ay tutol po talaga sa kanyang pagbabalik sa telebisyon dahil sa inasal niya noong May 4 at mga iba pang pangyayari noon,” nagkanayon si Linggit Tan, ang senior vice-president for TV entertainment sa ABS-CBN.
Pipila sa mga kondisyon ni Willie nga wala mauyoni sa Dos mao nga matud pa gusto sa TV host nga ibalik sa show sila si DJ Coki ug Ana Feliciano, midemanda usab siya nga usbon ang pangalan sa Wowowee ngadto na sa Wowowin, ug ganahan usab siya nga himoon og regular host si Melisa Cantiveros.
Apan wa mosaler ang mga kondisyon si Willie sanglit nailisan na kini og Pilipinas Win Na Win.