CEBU, Philippines - Wala mabalaka si Jennylyn Mercado sa iyang career bisan pa man nga wala pa’y gikataho nga follow-up TV project alang kaniya human sa iyang Gumapang Ka Sa Lusak. Tsika pa ni Jen nga dunay giandam ang GMA-7 alang kaniya, gani duna siya’y umaabot nga pelikula apan wala pa’y kinatibuk-an nga detalye kabahin niini.
Kris dili ganahan moarte
Giingong gitanyagan ang singer nga si Kris Lawrence og acting project sa GMA-7 apan iya kini nga gibalibaran gumikan kay dili pa kini andam nga mo-arte atubangan sa kamera. Sa pagka-karon, kontento na si Kris sa dagan sa iyang singing career.