CEBU, Philippines - Giingong usa ka game show ang giandam sa GMA-7 alang kang Edu Manzano apan wala pa’y detalye kung kanus-a kini sugdan.
Ejay nagkalig-on
Aminado si Ejay Falcon nga nagkalig-on na og maayo ang iyang showbiz career ug usa sa iyang gibasihan niini mao ang padayon nga pag-una sa rating sa serye niya nga Momay sa ABS-CBN.
Christian ug Cristine friend ra
Daling namahayag si Christian Bautista nga managhigala lamang sila ug igo lamang silang mitan-aw og movie ni Cristine Reyes. Wala siya manguyab sa dalaga.
“Captured”
Kasamtangang gigama karon ang pelikula nga “Captured” nga ubos sa direksyon ni Brillante Mendoza, diin bida ang French actress nga si Isabelle Huppert.
Keri Mo Teh
Adunay bag-ong segment ang Eat Bulaga nga nag-ulohan og “Keri Mo Teh” ug mao kini ang giisip nga usa sa mga pambato aron itigi sa mga segment sa kaatbang nila nga Pilipinas Win Na Win sa ABS-CBN. (Sanden J. Anadia)
Sharon tsugi na!
Tinuod nga tsugi na ang “Sharon” ni Megastar Sharon Cuneta pero pulihan kini og singing contest nga ang nahisgutan lamang gihapon maoy mo-host ug mubarog isip mentor sa contestants.
Kim ug Gerald okay na
Gipahibawo na ni Kris Aquino nga nagbalik na matud pa sila si Kim Chiu ug Gerald Anderson. Meaning, wala na matud pay away ug maayo na ang ilang relasyon. Si Kim matud pa ang mi-text niini kang Kris.
WNW di magpalupig
Masaligon ang Business Unit Head sa Pilipinas Win na Win nga si Jay Montelibano nga dili kabintahaan ang bag-ong noontime show sa katigi niining Eat Bulaga. Niya pa, gawas sa bag-o nilang segments, cute matud pa tan-awon ang panag-abot sa hilomon nga Robin Padilla ug sa sabaan nga Kris Aquino. (BANATSHOWBIZ)