Super rich na talaga ang isang aktres dahil nakapagpundar siya ng mga ari-arian sa Metro Manila at probinsiya.
Hindi ko puwedeng i-reveal ang name ng aktres dahil kung sasabihin ko ang kanyang pangalan, magdududa ang mga tao sa source ng kayamanan niya.
At least, naging matalino na ang aktres. Ginamit niya ang utak kaya naka-recover siya mula sa financial problems na nagbigay sa kanya ng sleepless nights.
Asahan natin na patuloy na yayaman ang aktres sa mga darating na panahon as in hinding-hindi na siya makararanas ng kahirapan.
* * *
Totoo ang tsismis. Dahan-dahan nang pumapayat si Sharon Cuneta at malinaw na ebidensiya ang nakaraang episode ng Sharon dahil may korte na ang kanyang katawan.
Hindi pa sinasabi ni Sharon ang sikreto ng pagpayat pero malaki ang tsansa na matupad ang goal niya na maging slim sa kanyang birthday sa January 2011.
Effective na endorser si Sharon. I’m sure, marami ang gagaya sa paraan ng kanyang pagpapapayat kung magiging successful ang pagbabawas niya ng timbang.
* * *
Parang hindi naman nagpakalbo si Richard Gutierrez sa island na pinuntahan niya at location ng Survivor Philippines : Celebrity Edition shoot.
Sa tingin ko, skin head ang hairdo ngayon ni Richard at nagkaroon ng isyu na nagpakalbo ito dahil hindi niya tinanggal ang suot na bandana nang interbyuhin siya para sa mga programa ng Kapuso Network.
Pahulaan pa rin ang mga identity ng mga celebrity contestants ng sikat na reality show ng GMA 7.
Narinig ko ang balita na ulan nang ulan sa isla na pinuntahan ni Richard at sanay na sila na nakakakita ng mga ahas na namamasyal. Nakakasabay pa nila sa paglalakad ang mga ahas. Nakakaloka ha!
* * *
Honest ako sa pagsasabi na type na type ko ang panonood ng P.O.5 dahil mahahaba ang mga production numbers at maiigsi ang mga commercials ng Sunday show ng TV5.
At saka, talented talaga ang mga singers ng P.O.5. Bumibirit sila sa pagkanta pero hindi makabasag eardrum ang pag-abot nila sa matataas na nota.
Every week ko nang napapanood sa P.O.5 si Richard Gomez. Naniniwala ako na mainstay na si Richard ng P.O.5. Komportableng-komportable siya dahil kasama niya sa show ang misis na si Lucy Torres at ang kanyang BFF na si John Estrada.
* * *
Tunay na extortionist ang showbiz couple na magkasundung-magkasundo dahil pareho sila ng bisyo.
Nakadidiri ang showbiz couple dahil lantaran ang panggagamit nila sa kapwa para magkamal sila ng pera ng walang kahirap-hirap.
Pilit na pinalalaki ng showbiz couple ang isang isyu para makakuha sila ng malaking datung mula sa isang showbiz personality na hina-harass nila. Katsipan to the max ang kanilang drama!