Dolphy at Marya na-miss ang isa't isa
MANILA, Philippines - Pangungunahan ni Ms. Maricel Soriano ang pagbati sa Comedy King (Dolphy) na magdiriwang ng kanyang ika-82nd birthday sa July 25.
Naging mag-ama sina Dolphy at Maricel (bilang John at Shirley) sa hit family sitcom noong ’80s na John en Marsha. Nagbida naman ang dalawa sa spin-off series nito, ang John en Shirley, labing-anim na taon matapos magpaalam ang John en Marsha. Naging malalim ang samahan ng ‘mag-tatay’ dahil si Mang Dolphy na ang nakagisnang ama ni Maria sa showbiz, at siya rin tinatawag niyang ‘dad’ sa tunay na buhay.
Hindi naman naitago ng dalawang haligi ng showbiz ang pagka-miss sa isa’t isa tuwing nagkaka-kuwentuhan off-cam sa taping ng palabas.
Pang-buong pamilya ang mga kuwento at alamat na ibinabahagi sa Pidol’s Wonderland. Ang curio shop owner na si Mang Pidol ang siyang storyteller ng mga bata at tambay ng kanyang antique store. Ang show din ang nagsisilbing extension ng bonding ng mga Quizon; sina Epi at Vandolph ang gumagananp na anak niya sa show, samantalang si Erik ang direktor ng palabas. Kasama rin sa sitcom ang manugang niyang si Jenny.
Mapapanood ang special birthday episode na ito ngayong Linggo (July 25), 6:30-7:30 p.m., bago mag-Talentadong Pinoy sa TV5.
- Latest
