Charice babalikan ang eskuwelahan!

Mukhang sisikat din ng husto ang mga apat na finalist ng StarStruck (Sarah Labahti, Ste­ven Silva, Enzo Pineda at Diva Montelava) da­hil talagang pinu-push ng GMA 7 na mag­ka­roon sila ng mga proyekto.

Matapos silang i-guest ng isa-isa sa mga pa­labas ng Siete, ngayon ay pinagsama-sama sila sa Lovebug : Exchange of Hearts, mapa­pano­od tuwing Linggo pagkatapos ng Party Pili­pi­nas.

Heard na nakatikim daw ang apat ng panini­gaw ng direktor sa kanilang taping pero okay lang naman ito, dahil mga baguhan sila pero da­pat sigaw lamang ang marinig nila at hindi ma­­sa­samang salita.

* * *

Sana bigyang katuparan ni Charice Pem­peng­co ang pangarap niyang maging isang abogado. It will be the height of her life, dahil mas hahangaan siya kapag nakatapos siya ng abo­gasya sa kabila ng pagiging isa niyang sikat na singer sa buong mundo, hindi lamang sa Pilipinas.

Ngayon pa lamang ay itinuturing na siyang isa sa pinaka-sikat na Pilipino na gumawa ng pangalan sa international circle. Ang maganda sa kanya, bata pa siya at sa pagdaragdag niya ng taon sa kanyang gulang ay lalo pa siyang sumisikat.

Kapag nagawa niyang itaas ang kanyang sarili sa pamamagitan ng role niya sa Glee na napapanood dito sa atin at tinatampukan ng napa­karaming characters, na kung saan ay gaganap siya bilang isang Filipino student, maitataas niya ang pagkilala sa mga Pilipino ng mga dayuhan na tagahanga ng nasabing palabas.

Patuloy ang pagsikat ni Charice bilang isang singer, kaya nga nakakapangamba na baka hin­di niya maisingit ang kanyang pag-aaral. Pero walang problema kung talagang panga­ngata­wanan niya. Dumating na siya sa punto na pu­wede na siyang gumawa ng sarili niyang sked, nalampasan na niya ang panahon na wala siyang choice sa magiging sked niya.

* * *

Kapano-panood ang sisimulang Kaya ng Powers na tatampukan nina Rhian Ramos, Shee­na Halili at Elmo Magalona. Tungkol sa tat­­long magkakapatid na akala ay mga simple at ordinaryo lamang sila pero matutuklasang meron pala silang powers o kapangyarihan.

Isang sitcom ang bagong palabas na iinog sa kung paano tatanggapin ng tatlo ang kanilng mga powers at ang mga kapalpakang aabutin nila sa paggamit nito.

Iniisip ko lamang na merong mga ibang shows sina Rhian at Elmo, at maging si Sheena na baka maapektuhan ng Powers...

Ordinarily, pinatatapos muna sila sa isang show bago sila bigyan ng bago para hindi malito ang mga manonood sa mga characters nila.

* * *

Welcome sa GMA, Cesar Montano. Magi­ging malaking asset si Cesar sa kumpanyang ito with his various talents.

Before sinabi ko na kulang ang mga artistang lalaki sa GMA na puwedeng ipareha kay Clau­dine Barretto. Kung hindi sila baguhan ay sob­rang bata naman para sa kanya with Cesar’s coming GMA does not only gain a very good ac­tor but also a very good singer, a capable TV host and also, a good director. Welcome uli, Cesar.