Iza vs. Claudine!

CEBU, Philippines - Mag-showdown sa acting karong gabii sila si Iza Calzado ug Claudine Barreto pinaagi sa drama anthology nga Claudine sa GMA-7. Una silang nagkauban sa pelikulang Milan, pero si Piolo Pascual ra ang naka-eksena ni Iza kaniadto diin midaog siya isip best supporting actress.

Birthday wish ni Sarah

Birthday ni Sarah Geronimo karong July 25. Plano niyang regalo para sa iyang kaugalingon mao ang pagpalit og sakyanan kay guot na matud pa ang iyang gigamit karon para sa iyang mga butang.

Charice nag-pictorial na

Kumpirmado na gyud nga molugwa ang dagway ni Charice sa Teen Vogue magazine karong tuiga. Bag-ohay lang nahuman ang iyang pictorial didto sa New York City.

Jolens balik Party

Mubalik na si Jolina Magdangal sa Party Pilipinas karong Domingo gikan sa iyang U.S. trip kauban sa iyang uyab nga si Mark Escueta.

Tunlan ni Cherrie operahan

Operahanan ang tutunlan ni Cherrie Gil busa mupahuway una siya sa paghimo og teleserye human sa Rubi, aron mapahigayon ang operasyon ug makapahuway pud siya.

Jake and Marian na pud

Si Jake Cuenca maoy pares ni Marian Rivera sa pelikulang Super Inday and the Magic Bibe, entry sa 2010 MMFF ubos sa Regal Films.

Usher perteng daghana’g gwardya

Nag-shopping to the max kagahapon sa Greenbelt sa Makati ang R & B sensation nga si Usher, inubanan sa iyang mga bodyguards nga mikapin og 10. Walay nakaduol kang Usher tungod sa daghan niyang gwardya.

Charice P5M per concert

Gikatahong P5 million matag concert ang asking price ni Charice Pempengco.

Way ikapalit og singsing si Alfred

Wala nay ikapalit og engagement ring si Alfred Vargas kay nagamit niya ang kwarta para unta niini sa milabay nga piniliay diin midaog siya isip konsehal sa Quezon, City.

Melissa ginindutan sa “sampot” ni Jake

Wa makakita si Melissa Ricks sa “sampot” sa iyang rumored boyfriend nga si Jake Cuenca sa Bench Uncut fashion show niadtong Sabado, pero nakakita siya sa mga hulagway sa internet. Para niya walay dautan og nindot tan-awon ang mga hulagway.

Kris tulo ka semana magpahayahay

Tulo ka semana ang bakasyon ni Kris Aquino sa Amerika kauban ang iyang mga anak nga sila si Josh ug James Jr. Sa Orlando Florida sila magpundo, ug usa sa ilang suruyon ang Disney World resort.