TRUE : Punung-puno ang Araneta Coliseum nung nakaraang Biyernes dahil muling rumampa ang mga Bench endorser sa kanilang Uncut Denim and Underwear Fashion show.
Ilan sa mga tinilian nang husto habang rumarampa ay sina Dingdong Dantes, Coco Martin, Diether Ocampo, Katrina Halili, Pokwang, at ang nakakatuwang tandem na Melason – Melai and Jason.
Si Jake Cuenca ang finale sa Russian theme ng naturang show, pero hindi na siya nakakaaliw panoorin at effort na effort ang drama sa rampa kaya parang may sawa factor na sa kanya ang audience.
Mabuti pa si Rafael Rosell nakakalibog pa ring panoorin na nag-Capoiera sabay hubad ng pajama at sabay dukot ng kanyang harapan. Kaya halos lumuwa ang ngala-ngala ng audience sa katitili sa kanya.
Dahil sa rami ng nanoood, nahirapan ang security kaya si Ehra Madrigal na enjoy sa panonood ay nadukutan ng camera sa kanyang Chanel bag.
TANONG : Naniniwala ba kayong limang araw lang talaga ang guesting ni Cesar Montano sa Wowowee? Kapag maganda ang feedback at ratings hindi kaya itutuluy-tuloy na niya ito?
Totoo nga kayang malabo nang bumalik si Willie Revillame sa Wowowee dahil kahit magkaayos pa sila ng Dos at puwede na itong bumalik, alanganin pa rin si Willie dahil hindi na raw ito kumportableng makatrabaho sina Pokwang at Mariel Rodriguez?
TOTOO KAYANG matagal na raw talagang break sina Vic Sotto at Pia Guanio pero napagkasunduan daw na walang aamin sa kanila at hahayaan na lang na mamatay ang isyu? Mamaya sa Showbiz Central ay may interview si Pia kay Bossing Vic pero ano naman kaya ang sasabihin nila?
Kung aamin man sila sa break-up, malalaman kayang si Pia ang nakipag-break kay Bossing pero wala naman daw third party involve?
TSIKA LANG : Dahil sa pagbabalik ng Hole in the Wall, napatunayang hindi totoo ang narinig naming tinanggap ni Michael V ang alok ng ABS-CBN 2 na lumipat sa kanila. O baka wala naman talagang ganung offer sa magaling na komedyante?
Tingnan na lang natin, pero bukas na magsisimula ang kakaibang game show nila ni Ogie Alcasid bago mag-Langit sa Piling Mo. Hindi na lang sila lalabas bilang Yaya at Angelina kundi iba’t ibang karakter ang kanilang gagampanan.
Pagkatapos ng pelikula nilang Yaya at Angelina, napagkasunduan na ng dalawa na huling labas na ‘yun ng ganung karakter pero marami pa rin ang humihiling na gawin nila ang nakakatuwang tandem kaya pasulput-sulpot pa rin ang paglabas nito sa kanilang nagbabalik na programa.