CEBU, Philippines - Napul-an na si Pauleen Luna sa pagtubag sa isyu kabahin sa panagbangi nila ni Cristine Reyes busa dili na siya mohatag og dugang komento aron dili na mograbe ang ilang away.
Rocco in, Mark out
Gihulipan na ni Rocco Nacino si Mark Anthony Fernandez isip leading man ni Lovi Poe sa usa ka episode sa Lovebug diin kasagaran sa mga eksena niini himoon sa Cambodia.
Jolens mag-usab og imahe
Nagplano na pud karon ang kampo ni Jolina Magdangal nga usbon ang imahe sa aktres nga mahaom sa uso karon.
Iya mobalik sa pag-arte
Mopaubos pagbalik si Iya Villania og acting workshop gumikan kay mobalik na siya sa pag-arte pinaagi sa usa ka sitcom kauban sila si Mariel Rodriguez ug Robin Padilla sa ABS-CBN.
Cha-cha asset sa Dos
Gusto sa Dos nga himuon nila nga exclusive talent ang child star nga si Cha-cha Cañete gumikan kay asset kini sa ilang network.
Shaina nag-inarte?
Gihimakak ni Shaina Magdayao ang report nga matud pa nausab na ang iyang batasan ug dili na kaayo siya managad sa mga staff sa ASAP XV.
Alfred andam na magminyo
Nagplano na karon si Alfred Vargas nga magminyo ngadto sa iyang Filipino-Italian girlfriend pinaagi sa usa ka church wedding.
Kimerald fans wa mahimout
Mitumaw karong report nga matud pa wala mahimuot ang mga fans nila ni Gerald Anderson ug Kim Chiu sa seryeng Kung Tayo’y Magkakalayo gumikan kay perming nakasentro ang istorya kang Coco Martin.
Star Factor
Plantsado na ang labing una nga star search sa TV 5 nga nag-ulohan og Star Factor ug giingong ilusad na kini sa sunod buwan.
“Jejemon” Eugene
Dunay umaabot nga bag-ong show si Eugene Dominggo sa GMA-7 nga pagaulohan og “Jejemon” sa direksyon ni Dominic Zapata. Malakip niini sila si Gelli de Belen, Jennica Garcia ug Wendell Ramos.
Rufa ug Joey na pud
Hunungon na ang Pinoy Records sa GMA-7. Hulipan kini og sitcom nga bidahan nila ni Rufa Mae Quinto ug Joey Marcos. Ang title sa sitcom, “Kundi Kaya Ng Powers Ay Kaya Ng Powers Natin.”
Endless Love advance screening
Dunay special screening sa advance pilot episode sa Endless Love karong alas tres sa hapon diha sa SM Cinema. Bukas matud pa kini ngadto sa publiko, ug makuha ang tickets sa ganghaan sa sinehan na mismo. Ang Endless Love, mao ang Pinoy adaptation sa koreanovela nga may samang titulo ug bituonan nila ni Marian Rivera ug Dingdong Dantes, diin magsugod na kini karong Lunes puhon human sa Pilyang Kerubin sa GMA-7.