Seen : Ang panawagan ni Erwin Tulfo sa mga kapatid ni P-Noy na hayaan ito na magdesisyon para sa sarili. Huwag nilang gawing tanga at bobo si P-Noy. Huwag makialam si Kris Aquino sa mga isyu sa senado dahil nasa showbiz siya. Nagbanta si Erwin na ito ang unang babanat kay P-Noy kapag hindi tumigil sa pakikialam ang ‘Kamag-anak Inc.’
Scene : Humihingi ng paliwanag ang Artist Center kay Aljur Abrenica sa pag-alis nito sa anniversary show ng GMA 7 sa Araneta Coliseum noong Biyernes. Dalawang production number ang hindi ginawa ni Aljur dahil umalis ito nang walang paalam.
Seen : Global Achievement Award ang tinanggap kagabi ni Gina Pareno mula sa Guillermo Mendoza Memorial Scholarship Foundation, ang organizer ng Box-Office King & Queen Awards. Idinaos ang awards ceremony sa RCBC Plaza Auditorium.
Scene : Late si Kim Chiu sa unveiling kahapon ng 100 Most Beautiful Stars ng YES Magazine. Nahihiya si Kim sa ibang mga artista dahil siya ang napili na cover girl ng Most Beautiful Stars issue.
Seen : Naaalangan ang ABS-CBN na ialok kay Cesar Montano ang hosting job ng Wowowee dahil ipinagluluksa pa niya ang pagkamatay ng kanyang anak na si Angelo.
Scene: Twist & Shout ang title ng musical game show nina Martin Nievera at Gary Valenciano sa ABS-CBN.
Seen : Prayers para sa kanyang ama na naka-confine sa ICU ang request ni Donita Rose sa kanyang mga kaibigan. Si Donita ang nahihirapan sa sitwasyon ng kanyang American father.
Scene : Hindi kasali sa Most Beautiful List ng YES Magazine si Krista Kleiner. Hindi nakatiis si Jay-R na sabihin na si Krista ang pinakamagandang babae para sa kanya. Girlfriend ni Jay-R si Krista.