Eugene naghihintay makasama si Sarah sa pelikula

Nagtatalon with matching sigaw ang isang ak­tres nang ipaalala ng isang re­por­ter na last Christ­mas, ang ipinamigay ni­yang regalo sa press ay galing sa kanila nang idini-deny niyang boyfriend. Naki­usap ang aktres sa reporter na ’wag nang ipa­­­alam sa ibang press na last year lang ay conju­gal ang Christmas gift nila ng ex at pumayag pa siyang mauna ang panga­lan nito sa kanya kahit mas sikat siya.

Break na ngayon ang da­la­wa at nagdi-deny na pa­rehong naging sila gayung isa sa mga rason ng conflict ng aktres sa isa pang aktres ay ang pag­kaka-link ng kanyang ex sa kapwa aktres na ka-network pa na­man niya.

Pero muk­hang na­ka­­­limu­tan na ng aktres ang ex at kung panini­wala­an ang tsi­ka, may bago na siyang kare­las­yon, isa ring aktor na galing sa show­biz family at kasama rin niya sa kinabibilangang network. 

Sayang at hindi pa nadidiskubre ng mga nagka-cast ng show ang bago pa lang re­las­­yon ng aktres at aktor dahil maganda sana kung pagsasamahin sila sa show para lalong magkalapit.

* * *

Kung totoong may kino-conceptualize na sitcom ang GMA 7 para kay Eugene Domingo, magiging dalawa ang sitcom niya dahil gagawin din niya sa TV5 ang Inday Wanda na co-produced daw ng Unitel.

Kapag natuloy ang sitcom, ibig sabihin ayaw nang pakawalan ng Chan­nel 7 si Eugene dahil sa ngayon, may Wachamakulit at Comedy Bar pa siya kasama si Allan K.

Samantala, tinatapos ni Eugene ang pelikulang Mamarazzi na sa Aug. 25 ang playdate at birthday offering ni Mother Lily Monteverde at 50th an­niver­sary presentation ng Regal Entertainment. Bukod dito, marami pang naka-line up na pelikula si Eugene na isa sa mga hinihintay ay ang makasama sa pelikula si Sarah Geronimo. Paging Viva Films!

* * *

Nakita namin si Direk Rico Gutierrez sa taping ng Comedy Bar, dumalaw lang siya dahil nasa katabing studio lang ang taping ng Take Me Out na siya naman ang direktor.

May kaingayan sa studio pero sure kaming “oo” ang sagot ni Direk Rico nang tanungin namin kung totoong si Richard Gutierrez ang bida sa RAN, ang pinaghahandaan niyang pelikula at entry ng GMA Films sa 2011 Metro Manila Film Festival.

Malaking pelikula ito at ngayon pa lang ay may pre-production meetings na si Direk Rico at madalas din niyang i-plug sa Twitter account niya. Matanong nga uli si direk sa project na ito ’pag muli naming nakita.

Puwede ring ideretso namin kay Richard ang pagtatanong ’pag nakita namin siya, pero sa ngayon, ang shooting ng In Your Eyes nila nina Claudine Barretto at Anne Curtis ang tinatapos ni Richard bago siya umalis para sa taping ng Survivor Philippines: Celebrity Edition.

* * *

Tawa nang tawa si Rowell Santiago nang ikuwento naming paulit-ulit na binanggit nina Randy Santiago at ang pangalan niya sa isang episode ng Diva. Ito ’yung episode na naghahanda ang Birit Records ng concert ni Melody (Regine Velasquez) at si Rowell kunwari ang napili nilang magdirek ng concert na sasabayan ng concert ni Tiffany (Glaiza de Castro).

Walang project ngayon sa ABS-CBN si Rowell at balita namin, siya ang napi­ling direktor ni Manny V. Pangilinan para sa birthday special nito na ipa­lalabas sa TV5. Tawa lang ang sagot ni Rowell sa tanong kung lilipat na siya sa TV5.