’Kaaliw ang experience ng isang reporter na nag-solicit ng amount sa isang sikat na aktor para sa isang event na involved ang una. Expected na ng reporter na P10,000 ang ibibigay ng actor dahil ito ang sinabi sa kanyang amount na ibibigay, kaya masayang pumunta ang reporter sa office ng manager ng actor.
Laking gulat ng reporter nang matanggap ang perang donation ng actor dahil P5,000 lang at bago pa siya makapagtanong sa mga tao sa office, nakita niya sa pinirmahang voucher na ’yung original amount na P10,000 ay binura at ginawang P5,000.
Binawasan ang perang bigay ng sikat na aktor na ipinaabot sa reporter at ang nakakaloka, hindi man lang pinalitan ang voucher at inekisan lang ang P10,000. Nagkaroon tuloy ng ebidensya ang reporter.
Nakapirma sa voucher kung sino ang nagbawas ng perang ipinabigay ng actor sa reporter, pero hindi na ipinasulat ng reporter. Sana lang daw, pinalitan ang voucher para walang ebidensya. Hahaha!
* * *
Paminsan-minsan, nakakatisod kami ng balita sa Twitter at kahapon, nabasa naming tuwang-tuwang ibinalita ni Chynna Ortaleza na pinayagan siya ng GMA 7 na mag-guest sa TV5. Taping n’ya ngayong araw para sa Midnight DJ at malay natin, payagan din siyang mag-guest sa ibang show ng Singko dahil tapos na siyang mag-taping ng The Last Prince.
Wala ng ibang show sa Channel 7 si Chynna at naggi-guest na lang sila ni Ryza Cenon sa Party Pilipinas dahil hindi sila isinama sa show nang tsugihin ang SOP, gayung dapat kasama sila dahil GMA talents sila. Talo pa sila ng mga hindi contract stars ng network dahil every Sunday, nakikitang nagsasayaw sa Party Pilipinas.
Anyway, excited si Chynna na mag-taping sa show na bida si Oyo Sotto. Thankful si Chynna na pinayagan siya ng Channel 7 na mag-guest sa TV5, pero hindi kaya maging precedent ito para mag-guest na rin ang ibang talents ng Channel 7 sa shows ng TV5?
* * *
Masuwerte itong si Daniel Matsunaga dahil ’pag nagsimulang umere sa June 20 ang Love Bug Presents Wish Come True, dalawa na ang regular TV shows ng Brapanese hunk dahil nasa cast din siya ng Langit sa Piling Mo at isa sa three leading men ni Heart Evangelista.
Kung pilot ang role ni Daniel sa Langit sa Piling Mo, model naman siya sa Wish Come True at ’di siya nahirapang umarte dahil trabaho niya ito bago siya mag-showbiz.
Gustung-gusto rin si Daniel ng mga nakakatrabaho niya gaya ni Heart dahil tahimik lang ito, mabait at gwapung-gwapo. Madali rin silang naging magkaibigan ni Kris Bernal, pero sabi ng aktres, hindi niya pinapangarap maging BF si Daniel dahil hindi siya mahilig sa gwapo at matatangkad dahil lapitin ng mga babae. May bad experience kaya si Kris kay Aljur Abrenica?
* * *
Sa Pilyang Kerubin, naglayas si Michael (Joshua Dionisio) at hihingi ng tulong si Melissa (Angelika dela Cruz) kay Arman (Raymart Santiago) para hanapin ang anak.