DZMM Teleradyo nasa ibang panig ng mundo na

MANILA, Philippines - Sinimulan na ang makasaysayang pagsasahimpapawid ng DZMM Tele­Rad­yo sa mga bansa sa Middle East at Australia noong Hunyo 1 at Mayo 31. Si­mu­la naman bukas, Hunyo 15, mapapanood na rin ang DZMM Tele­Rad­yo sa Europa sa pamamagitan pa rin ng TFC, o The Filipino Channel.

Sa pagdating ng DZMM TeleRadyo sa Middle East, Australia, at Europa, mas ma­papabuti pa ng DZMM ang paghahatid ng balita at serbisyo publiko sa mga Pili­pino sa abroad. Ngayon, makikita na nila ang kanilang paboritong anchor, ma­ba­­basa ang maiinit na balitang pumapasok, at mapapanood na rin ang pina­kau­nang footage mula sa mga pinangyarihan ng balita.

Dahil worldwide na, tatalakayin na rin ng DZMM TeleRadyo ang mga is­­yu at kata­nungan ng mga kababayan natin sa ibang bansa sa mga prog­ramang Aksiyon Ngayon Global Patrol kasama sina Kaye Dacer, Fr. Tito Caluag at Zaldy Naguit, Usapang de Campanilla nina Lynda Jumilla, Al­vin Echico, Atty. Danny Concepcion at Atty. Claire Castro at Magandang Gabi Dok, tampok naman si Niña Corpuz.  

Ani ABS-CBN Manila Radio Division Head Peter Musngi, na kama­ka­ilan lang ay tumayong hurado sa prestihiyosong New York Festivals Radio Prog­ramming & Promotion Awards, nagbabadya ito ng mas malalaking kaganapan pa sa DZMM.

Ngayon ay pinaghahandaan na nila ang kanilang ika-24 anibersaryo kung saan maglulunsad sila ng iba’t ibang proyektong tutulong sa mga komunidad tulad ng isang mobile learning center at clinic na iikot sa mga barangay.