Rich mabilis makalimot

Nurse na pala ang dating Sexbomb member na si Jackie Estevez. At least, nagbunga ng ma­ganda ang pagtiwalag ni Jackie sa Sexbomb dahil maganda ang kanyang kinalagyan. Naka­tapos siya ng pag-aaral sa Amerika at isa nang registered nurse na ngayon.

Na-prove ni Jackie na totoo ang sinabi nito noon na titiwalag siya sa grupo dahil ipag­pa­pa­tu­loy niya ang pag-aaral. Ang laki rin ng iginanda ni Jackie dahil malayung-malayo na ang itsura niya ngayon sa kanyang mukha noon.

* * *

Nasa Amerika si Ricky Lo dahil may inter­view siya sa cast ng Eclipse kaya hindi niya na­pa­nood kahapon ang bagong denial nina Al­jur Abrenica at Rich Asuncion.

Si Papa Ricky ang nagsulat na Denial Prince si Aljur dahil hindi nito inaamin ang naging relas­yon nila ni Rich Asuncion.

Hindi lamang si Aljur ang nag-deny dahil iti­nanggi rin ni Rich na sinundan niya si Aljur sa shooting nito sa Bohol.

Malakas ang loob ni Rich na mag-deny ‘ha? Ma­bilis na kinalimutan ni Rich ang pagtawag niya noon sa cellphone ni Papa Ricky para mag-sorry, kasabay ang pag-amin na nagpunta siya sa Bohol para makipagkita kay Aljur.

* * *

Isang psychiatrist pala ang napangasawa ni Amanda Page. Mendiola ang family name ng dok­tor at sa aking pagtatanong, nalaman ko na kapatid pala siya ni Dennis Mendiola.

The who si Dennis? Pamilyar ang name ni Den­nis dahil ex-boyfriend siya ni Lea Salonga.

Si Dennis ang dating big boss ng Chikka Text at kapatid nga niya ang mhin na pinakasalan ni Amanda sa Sanctuario de San Antonio, Forbes Park noong January 2010.

Hindi natunugan ng media ang church wed­ding ni Amanda dahil matagal na itong nag-quit sa showbiz. Kumanta si Ogie Alcasid sa kan­yang kasal dahil naging friends sila noong mainstay pa si Amanda ng Bubble Gang.

In fairness, hindi nagkaedad ang face ni Aman­da. Kung ano ang itsura niya noong nag-um­pisa pa siya sa showbiz, ganoon pa rin ang kanyang itsura ngayon.

* * *

Hindi idinenay ni DJ Mo Twister ang ballita ko na magkasama sila ni Rhian Ramos nang makita sila ni Arnold Clavio sa isang restau­rant.

Ang sey ni Mo, walang masama kung makita na kumakain sila ni Rhian. Wala talagang ma­sama. Basta ang importante, true ang mga ku­wento tungkol sa madalas na date nila ni Rhian.

* * *

Si Mother Lily Monteverde ang nanalo sa pustahan nila ni Annabelle Rama. One hun­dred thousand ang pustahan ng dalawa.

Ang pusta ni Mother, si Senator Noynoy Aqui­no ang mananalo sa halalan ng presidente ng Pilipinas. Ang sey ni Bisaya, ang kanyang manok na si Gibo Teodoro ang magiging 15th President ng ating bayan.

Luz Valdez si Bisaya dahil si Noynoy ang na­nalo at noong Sabado ng gabi, nagkita sila ni Mother sa isang Chinese restaurant sa Green­hills. Ibinigay ni Bisaya kay Mother ang datung at nag-decide naman si Mother na i-donate ang datung sa Mowelfund.

Tiyak na matutuwa si Boots Anson-Roa dahil sa donasyon nina Mother at Annabelle sa Mowelfund. Si Mama Boots ang Executive Director ng Mowelfund na itinatag ni Papa Joseph Estrada.