Gusto pang kumawala sa manager? Singer-actor wala namang bago sa sarili kaya walang project

Balik-taping this Friday ng Endless Love: Au­tumn In My Heart si Ding­dong Dantes, pero siya lang ang magti-taping dahil walang ekse­na si Marian Rivera. Pero sa Monday, silang dalawa na ang magti-taping at si Mac Alejandre na rin ang direktor dahil nakabalik na ito mula sa shooting ng In Your Eyes.

Tuloy na sa June 28, ang grand premiere ng End­less Love: Autumn In My Heart at naka-schedule naman sa June 23 ang grand presscon. Malaking paghahanda ang ginagawa ng GMA 7 sa nalalapit na airing ng balik-tambalan sa TV nina Marian at Dingdong dahil alam ng network na marami ang naghihintay at mataas ang expectation ng viewers.

Heavy drama ang tema ng Autumn In My Heart at napaka-tragic ng ending na hindi babaguhin ng mga writer, kaya expected na ang maraming iyakan, confrontation, at kung anu-ano pang kadramahan.

Nakapag-email si Kit Sherwin Cruz ng picture nina Dingdong at Marian sa Endless Love: Autumn In My Heart at nagpapasalamat kami sa kanya, pati na rin kay Rams David.

* * *

Nakausap namin si Rocco Nacino sa taping ng Comedy Bar at hala­tang hindi ito masaya sa “user friendly” image niya dahil lang lang sa pag-aming halos lahat ng female talents ng GMA Network ay crush niya.

Ang katuwiran nito’y walang masama kung magka-crush siya at totoong crush niya sina Jennylyn Mercado, Lovi Poe, at iba pang aktres na binanggit.

Dito kay Lovi siya na-isyuhang “user friendly” dahil may naniwalang kaya lang sinabing type niya ang dalaga dahil sa tsikang balak silang pagtambalin sa isang project.

Maalalang nagbigay ng bouquet of white roses si Rocco kay Lovi at sinundan nang pagbibigay ng big box ng Mrs. Fields chocolates at naringgan pang nag-comment na natutulala siya ’pag nakikita si Lovi.

Alam niyang may BF na si Lovi at wala naman siyang balak ligawan ito, nakikipag-kaibigan lang siya sa dalaga at “to break the ice” lang ang pagbibigay niya ng mga flowers at chocolates, pero dahil naging negative ang dating sa tao, baka hindi na siya magpaka-close ng husto sa dalaga.

Samantala, wala pang kasunod na soap si Rocco after Gumapang Ka sa Lusak at bukod sa Party Pilipinas, ang pag­ram­pa niya sa Bench Uncut Fashion Show ang pinag­hahandaan. Masaya nitong ibinalitang nakataas na ang Bench billboard nila nina Sarah Lahbati at Steven Silva sa may Guadalupe.

* * *

Balak magpa-release ng kontrata ng isang singer-actor sa kanyang matagal ng manager dahil ang katuwiran, wala ng project na naibibigay ngayon ang manager. Unfair sa manager ang gagawin ng singer-actor dahil matagal na siyang inalagaan nito at tinulungan sa lahat ng bagay magka-pangalan lang.

Bakit kaya hindi tulungan ng singer-actor ang kanyang manager para magka-project siya? I-reinvent niya ang kanyang sarili dahil walang nakikitang pagbabago sa kanya ang audience mula nang magsimula siya sa showbiz hanggang ngayon.

Tumaba ang singer-actor at ang biggest let down, the same songs ang naririnig naming kinakanta niya sa TV guestings niya. Puwede naman siguro siyang kumanta ng mga songs ng ibang singers, idagdag niya ito sa kanyang repertoire para may bagong naririnig sa kanya.