Angelika shocked sa pagkamatay ng kapatid

Nakikiramay ako at ang entertainment staff ng PSN kay Angelika dela Cruz at sa pamilya niya dahil sa pagpanaw ng kanyang kapatid na si Edward.

Namatay si Edward dahil sa isang aksidente na nangyari sa highway ng San Simon, Pampan­ga noong Lunes ng madaling araw.

Ayon sa police report, nahagip ng isang truck na minamaneho ng isang Richard Coronel ng Tar­lac ang sasakyan ng 28-year-old brother ni An­gelika.

Ikinabigla ng marami ang pagkamatay ni Ed­ward dahil napakabata pa nito at kapapanalo pa lamang niya bilang konsehal ng Malabon noong nakaraang eleksiyon. Number 3 si Edward sa mga nakakuha ng mataas na boto.

Shocked pa si Angelika sa nangyari kaya hindi pa siya makapagbigay ng pahayag, as of press­time.

Naging bahagi ng showbiz si Edward dahil ex-member siya ng boyband na The Freshmen. Nakasa­ma rin siya sa mga showbiz functions na pinupun­tahan ni Angelika.

Very close sila ni Angelika na tumulong sa kam­panya ng kanyang kapatid.

Cast member si An­ge­lika ng Pilyang Kerubin pero hindi na siya nakapag-taping kahapon dahil sa trahedya na nang­yari sa kanyang kapatid.

* * *

Dumating sa ating bansa noong nakaraang linggo ang Malaysian actress na si Michelle Yeoh para i-promote ang paggamit ng helmet sa mga motorcycle riders.

Nakipagkita si Michelle kay Sen. Bong Re­villa, Jr. dahil ito ang nag-file sa senado ng bill (Re­public Act 10054 o Mandatory Helmet Act) na nag-uutos sa motorcycle riders at back riders na gu­mamit ng protective helmets para maiwasan ang mga sakuna sa kalsada.

Pinuri ni Bong si Michelle dahil active ito sa road safety campaign. Natutuwa si Bong sa pagbibigay ni Michelle ng oras para i-promote ang kanilang advocacy.

Idineklara ng UN General Assembly ang 2011 hang­gang 2020 bilang Decade of Action for Road Safety para mahikayat ang mga tao na makilahok at mabawasan ang dumaraming sakuna sa lan­sangan.

* * *

 Maglalabas pala uli ang YES! Magazine ng lis­tahan ng mga Most Beautiful sa showbiz. Last year, si Marian Rivera ang cover girl ng Most Beautiful edition ng YES! at ngayong 2010, pa­hulaan pa ang identity ng lucky cover girl dahil sa su­sunod na buwan pa lalabas ang magazine.

Sa palagay ninyo, Kapuso o Kapamilya ang cover girl? Padadalhan ko ng libreng magazine ang makakahula sa aktres na cover girl ng Most Beautiful issue!

Ipadala n’yo ang inyong sagot at complete address sa [email protected]. Malay ninyo, maisipan ko na lakipan ng datung ang maga­zine na matatanggap ng lucky winner dahil sa pagsubaybay at pagbabasa n’yo sa aking column dito sa PSN?

* * *

Enjoy si Paolo Contis sa kanyang hosting job sa Showbiz Central at kung siya ang tatanungin, type niya na maging regular co-host ng Sunday showbiz talk show ng GMA 7.

Batang showbiz si Paolo dahil lumaki at nag­kaisip siya sa entertainment world. Bagay na ba­gay siya na maging host ng isang talk show, lalo na kung may kinalaman sa showbiz dahil ang dami niyang alam na isyu.

Kung nanood kayo ng Showbiz Central noong Linggo, tiyak na nakita ninyo ang pagtataray ni Paolo sa tao na nilait ang kanyang hosting skill. Ang sey niya, “Ikaw, nasa bahay ka lang, ako host uli!”