MANILA, Phillipines - Simula nang pakawalan ni Vice Ganda ang mga nakakatawa niyang one-liner dialogues sa Showtime, walang dudang nabuhay muli ang kanyang career.
Dahil hit na hit, tanging si Vice lang ang nagkaroon ng record sa Facebook na kauna-unahang local entertainer na umabot sa 1,000,000 ang mga fans at kaibigan.
Patok din ang major concert niya sa Araneta Coliseum kamakailan.
Pero kaya ng sikat na komedyante na magbigay-saya pa sa mga kaibigan sa industriya kaya sa two-night concert ni Gabby Concepcion sa Music Museum, special guest si Vice.
Ang Gabby’ng K Ganda concert na gaganapin sa July 2 and 3, 8 p.m. ay magtatampok din sa marami pang sorpresa. Hinuhulaang magpapaunlak ang mga dalagang anak ni Gabby.
Heto pa, makikipagsabayan sa galing sa pagkanta at pagpapatawa si K Brosas kay Vice kaya inaasahang mas riot ang concert.
Ang Gabby’ng K Ganda ay produced ng Front Media Entertainment at mabibili na ang mga tiket sa TicketWorld (891-9999) outlets, National Bookstores, Robinsons Department Stores, and Malls, Ayala Malls, at sa Music Museum (721-0635, 425-7077).