CEBU, Philippines - Nabuking na gyud sila si Melissa Ricks ug Jolo Revilla. Si Melissa diay ang gipasabot ni Jolo sa iyang Facebook account nga special nga babaye. Ug si Melissa, naghago gyud og adto sa San Miguel Bulacan niadtong Sabado bitbit ang Oreo Cream Cake gikan sa Starbucks aron bisitahon si Jolo sa set sa Maalaala Mo Kaya, diin pares niini si Erich Gonzales. Kuyog ni Melissa sa iyang pagduaw kang Jolo si Kim Chiu.
P117M na ang Bride
Mikabat na ngadto sa P117.5 million ang gross income sa Here Comes The Bride niadtong May 30, 2010.
Angel Bakakon!
Bakakon si Angel Locsin. Kini maoy pamahayag ni Cristy Fermin sa Juicy niadtong Lunes sa gabii. Suma pa niya, nga kung nakahimo si Angel pag-deny nga nagkauyab sila ni Cogie Dominggo kaniadto, makahimo kini pag-deny sa bisan unsang butang.
Not Ready To Go!
Gibalibaran ni Boy Abunda ang tanyag ni President -apparent Noynoy Aquino nga himuong Department of Tourism Secretary! Rason ni Boy, dili pa siya andam motalikod sa showbiz.
Toni, Bianca puli ni Kris?
Si Toni Gonzaga gyud matud pa maoy ipuli ni Kris Aquino sa The Buzz, samtang si Bianca Gonzales ang puli ni Kris sa Showbiz News Ngayon (SNN)!
Walay offer
Walay tanyag si Richard Gomez gikan sa TV5.
Nagsabot?
Sulagma lang ba nga tua karon sa Amerika sila si Rufa Mae Quinto ug Mikey Arroyo? Dugay ra giintriga nga dunay relasyon ang duruha nga gipunay nila og deny.
Piolo ug Angel sa Century na
Si Piolo Pascual maoy labing bag-ong Century Canned Tuna endorser!
Go Melason!
Ibang level na gyud ang Melason (Melai ug Jason) kay mirampa gyud sila sa Philippine Fashion Week para sa Bench, kauban ang mga sikat na kaayo nga Kapamilya stars nga suki na sa maong clothing apparel.
Erich gitanyagan sa Siyete?
Gikataw-an lang ni Erich Gonzales ang report nga matud pa nga dunay tanyag kaniya ang GMA-7. Depensa pa sa aktres nga duna siya’y kontrata sa ABS-CBN busa imposible ang maong report.
Gerald nangandoy kang Erich
Gipadayag ni Gerald Anderson nga sa higayon nga mabungkag na ang tandem nila ni Kim Chiu, gusto na pud niya nga si Erich Gonzales maoy sunod nga mapares sa usa ka proyekto.
Anne naadik sa Farm Ville
Usa si Anne Curtis sa mga artista nga naadik sa sikat nga online game sa Facebook, ang Farm Ville.
Selos?
Matud pa nga nagpatagad og balik si Aljur Abrenica sa iyang ex-girlfriend nga si Rich Asuncion apan wala niya kini tinggi human na-link ang young actor kang Bianca King.
Permi sa balay
Giangkon ni Xian Lim nga naa ra gyud siya sa ilang balay sa higayon nga bakante ang iyang oras gumikan wala kaayo siya’y mga higala ug dili kaayo niya suod ang iyang showbiz friends.
Vice kever sa mga pagsaway
Kever ra si Vice Ganda sa lenggua sa iyang mga kritiko nga matud pa wala na’y lami ang iyang pagpanginsulto sa mga partisipante sa Showtime sa ABS-CBN.
Sarah giapas sa iyang fans
Mapasalamaton si Sarah Geronimo sa iyang fans club nga Popsters gumikan kay pipila sa mga sakop niini ang mitikang gyud ngadto sa Amerika aron lang gyud mosaksi sa iyang concert tour.
Inosente si Cristine!
Abswelto si Cristine Reyes sa panagbuwag nila ni Mariel Rodriguez ug Zanjoe Marudo. Matud pa ni Mariel mismo, bisan og dunay Cristine Series sila si Cristine ug Zanjoe, dili ang sexy actress maoy nakaingon sa break-up, kundili personal nga rason. Labaw sa tanan walay third party involved.
Mo walay pagbasul
Reaction ni Mo Twister sa iyang pagbalhin sa TV5: “Do I have any regrets? No. Why would I? The people that I’m surrounded by, they’re ten times better than the people I was with.”
Trudis Liit star
Five-year- old child actress ang bida sa Trudis Liit sa GMA7. Siya mao si Jhylianne Warden. Ang Trudis Liit kanhi pelikula ni Vilma Santos.
Angel mitira og paminta!
Reaction ni Christy Fermin sa pag-deny ni Angel Locsin sa gikatahong usa ka tuig nga relasyon nila ni Cogie Dominggo kaniadto: “Sinungaling siya! Tumira siya ng paminta!”
Cogie mi-take og katol!
Samtang tubag ni Angel Locsin ngadto sa pangangkon ni Cogie Dominggo: “Naka-take yata ng katol si Cogie!”