MANILA, Philippines - Nagsama-sama sa listahan ng nominado ang mga popular na teen housemates ng Pinoy Big Brother (PBB) Teen Clash of 2010 na sina Bret, Devon, Jenny, at Tricia sa naganap na nomination night noong Linggo (Mayo 30).
Inaasahan namang bubugso ang suporta ng kanilang mga tagahanga lalo na sa pagbabalik ng Vote to Save, Vote to Evict system kung saan maaaring i-save ng taumbayan ang housemate na gusto nilang manatili o i-vote to evict ang nominadong gusto nilang palabasin. Ang housemate na makakatanggap ng pinakamababang net votes ang siyang mapapalabas ng bahay ni Kuya.
Para mag-“Vote to Save,” i-text lang ang BBS(space)NAME OF HOUSEMATE, at para naman mag-vote to Evict, i-text lang ang BBE(space)NAME OF HOUSEMATE at i-send sa 2331 para sa Globe, Sun Cellular, TM at Bayan Wireless subscribers, at 231 para sa Smart at Talk N’ Text subscribers.
Paano kaya haharapin ng apat ang weekly task na may kinalaman sa pagbubuo ng concert habang iniinda ang pagboto sa kanila ng mga kasama? Sino rin kina Ivan, Tricia, Devon, Angelo, at Fretzie ang mananalo sa Big Jump to the Big Night para sa isang slot sa Teen Big Night?
Abangan iyan kasama si Mariel Rodriguez sa PBB Teen Clash of 2010 Uber pagkatapos ng Naruto Shippuden 3, si Toni Gonzaga sa primetime pagkatapos ng Rubi at Bianca Gonzalez sa PBB Updates.