Goma sure na lilipat sa TV5!
Seen: Ang apple mango na halos kasing-laki ng papaya na bunga ng mga punong mangga sa farm ni Susan Roces sa Batangas. Ipinagmamalaki ni Susan ang kakaibang bunga ng kanyang mga punong mangga.
Scene : Ang depensa ni Mo Twister na gusto lang niyang magtrabaho kaya lumipat siya sa TV5. Walang nagbabawal kay Mo na magtrabaho ngunit hindi niya dapat kalimutan ang kanyang responsibilidad na igalang ang mga kontrata na pinipirmahan niya.
Seen : Palpak ang production number with rain effect ng Party Pilipinas. Hindi nakita ang mukha ng mga performer dahil sa lakas ng tubig.
Scene : Ang hosting job ni Richard Gomez sa P.O.5 ang indikasyon na lilipat na rin siya sa TV5.
Seen : Hindi nakakatawa ang gags ng I Laugh Sabado ng Q Channel 11.
Scene : Rico Cepeda ang sinabing pangalan ni Heart Evangelista nang i-promote niya sa Startalk ang Langit Sa Piling Mo. Si Ricardo Cepeda ang co-star ni Heart sa Langit Sa Piling Mo.
Seen : Si Senator Noynoy Aquino at ang kanyang girlfriend na si Shalani Soledad sa farewell concert ng APO sa Music Museum noong Sabado.
Scene : Napaluha si John Lapus nang rumampa ito sa Santacruzan ng mga bading sa Malabon noong Sabado. Talyada ng Malabon ang bagong tawag sa gay Santacruzan upang hindi na mag-react ang Simbahang Katoliko.
- Latest
