Mo at Rhian magkasama sa Paris?!

Nakakaantig ng damdamin ang kuwento ka­hapon ng Showbiz Central tungkol kay Jason Aber­gido, ang batang bingot na kasama ni Re­gine Velasquez sa Diva.

Si Regine ang tumulong kay Jason para maoperahan ito sa St. Luke’s Hospital. Successful ang corrective surgery kay Jason dahil guwapung-guwapo na ang bagets.

Hindi pa tapos ang operasyon kay Jason. Naka-schedule siya na operahan uli pagkalipas ng anim na buwan dahil ang kanyang ngala-ngala na­man ang aayusin.

Napaiyak si Jason habang ipinapasok sa ope­rating room pero ang saya-saya ng kanyang muk­ha pagkatapos ng operasyon.

Hindi pa nakikita ni Regine ang resulta ng ope­rasyon kay Jason pero tiyak na matutuwa siya dahil hindi nabale-wala ang kanyang effort na ma­ka­tulong.

* * *

Narinig ko na noon ang balita na may relasyon sina Mo Twister at Rhian Ramos kaya hindi ako na­gulat sa pambubuko ni Ruffa Gutierrez na mag­ka­sama sa Paris ang dalawa.

Ang tsismis na narinig ko, si Rhian daw ang da­hilan ng break-up nina DJ Mo at Andi Man­zano.

Nag-deny si Mo. Hindi raw si Rhian ang ka­sama niya sa Paris. Hindi pa natin maririnig ang denial ni Rhian dahil nasa ibang bansa siya. Magkasama sila ni Mark Herras sa show ng Pinoy TV sa San Diego, California.

Teka, natsismis din noon na nagkarelasyon sina Mark at Rhian. Magkaroon kaya ng Part 2 sa San Diego ang kanilang nagwakas na love affair?

* * *

Mamayang gabi ang presscon ng Pilyang Kerubin at ito ang show na ipapalit ng GMA 7 sa timeslot na mababakante ng Panday Kids.

Mga bida sa Pilyang Kerubin ang loveteam nina Barbie Forteza at Joshua Dionisio. Hindi nakapagbakasyon nang matagal sina Barbie at Joshua dahil nang matapos ang First Time, suma­bak agad sila sa taping ng Pilyang Kerubin.

* * *

Nakalimutan ko na naging boyfriend ni Krista Kleiner si Polo Ravales. Kung hindi pa tinanong si Polo tungkol sa relasyon nina Krista at Jay-R, hindi ko maaalala na may nakaraan sila.

Ang sey ni Polo, happy siya para sa kanyang ex-girlfriend at kay Jay-R. Naka-feel kaya si Polo ng panghihinayang dahil beauty queen na si Krista?

* * *

Pitong buwan na pala ang ipinagbubuntis ng dating sexy comedienne na si Ella V. Hindi ko nakilala si Ella dahil tumaba siya, bunga ng kan­yang pagbubuntis.

Richie rich na si Ella dahil mayaman ang mhin na napangasawa niya. Ang laki-laki ng bahay na tinitirhan ni Ella sa California at kitang-kita na maligaya siya sa kanyang buhay ngayon.           

Dalawang beses pala na nakunan si Ella kaya excited na siya sa kanyang nalalapit na panga­nganak. Masuwerte si Ella dahil mabait ang na­pa­ngasawa niya. Babae ang kanilang magiging anak.