Seen : Lalong nagmukhang kontrabida si Katrina Halili sa kanyang bangs. Kinaiinisan na ang drama at paawa effect ni Katrina na biktima siya ng mga sex video ni Hayden Kho, Jr.
Scene : Pinaniniwalaan ang mga pagtatapat ni Andrei Felix tungkol sa relasyon nila ni Jennylyn Mercado na idinenay nito. Negative ngayon ang image ni Jennylyn dahil lumabas ang katotohanan na nagsisinungaling siya.
Seen : Halata na may lihim na pagtatangi si Mariel Rodriguez kay Robin Padilla. Ipinagkanulo si Mariel ng kanyang mga mata at kilos pag magkaharap sila ni Robin.
Scene : Hindi idedemanda ng GMA 7 si Mo Twister kung hindi ito lumabag sa kontrata. Ang nangyari kay Mo ay aral sa mga artista na walang respeto sa mga kontrata na pinipirmahan nila.
Seen : Si President apparent Noynoy Aquino at ang kanyang girlfriend na si Shalani Soledad sa premiere night ng Noy sa Rockwell Cinema noong Biyernes ng gabi.
Scene : “Legacy na ang mga Eigenmann” na dialogue kahapon ni Julia Clarete sa Sa Pula Sa Puti game portion ng Eat Bulaga. Ang Eigenmann family at Quizon family ang mga naglaban sa Sa Pula Sa Puti.
Seen : Pabalik na ng Pilipinas sina Dra. Vicki Belo at Hayden Kho, Jr. Matagal na nagbakasyon si Hayden sa Amerika at Europe kaya homesick na siya.
Scene : Hindi nag-iisa si Hayden. Homesick na rin si Ogie Alcasid na nasa Amerika rin para sa concert tour nila nina Regine Velasquez, Dingdong Dantes at Marian Rivera.