CEBU, Philippines - Nihangyo si Maxene Magalona sa mga tawo nga dili unta sila isabong ni Heart Evangelista. Matud pa nga mitumaw karon ang report nga human ni Pauleen Luna, si Heart napud ang awayon sa iyang grupo nga Ampalaya Anonymous.
“Saan nanggaling ito? Sobrang hindi totoo!! Tama na pls,” lenggua pa ni Maxene pinaagi sa iyang Twitter account.
Kahinumduman sa bag-ohay nga presscon sa seryeng Langit Sa Piling Mo, gipadayag sa bida niini nga si Heart nga dili na unta kinahanglan nga mag-away sila si Maxene ug Pauleen kay pareho sila nga maanyag ug talented nga pagkababaye.
Giingong mihirit usab si Heart nga naa na sa saktong edad ang AA members ug si Pauleen busa dili na kini angayan nga mag-away.