CEBU, Philippines - Bisan napili na isip Vice Mayor sa Manila si Isko Moreno, gusto gihapon niya nga magpabilin sa Showbiz ug usa ka sitcom ang gipangandoy niya nga proyekto sanglit dili kaayo kini bug-at sa higayon nga dunay taping. Samtang motikang na karong Hunyo 5 si Isko sa Washington DC aron sa tulo ka semana nga pagtoon kabahin sa local government. Gikatakda siya nga mobalik sa Pilipinas karong Hunyo 30 dungan sa pormal na niya nga pagpanumpa isip bag-ong bise mayor sa Manila.
Paolo kever sa intriga
Dili buot magpaapekto si Paolo Paraiso sa mga pagsaway nga matud pa dili siya makamao mopakatawa busa walay gamit ang iyang papel sa comedy show nga I Laugh Sabado sa QTV. Buot ni Paolo nga mo-focus sa iyang career busa wala siya’y plano nga mopatol sa maong intriga.