Seen : Ang payo ni Erwin Tulfo kay Senator Noynoy Aquino na “mag-tsongki” (marijuana) na lamang ito kung ayaw ng mga tao na manigarilyo ang president-elect. Sinabi kahapon ni Erwin ang kanyang payo sa Sapul, ang morning show ng TV5.
Scene : Biglang nawala sina JC Tiuseco at Daniel Matsunaga sa presscon ng Langit Sa Piling Mo. Umiwas ang dalawa na makausap ng mga reporter tungkol sa mga kontrobersiyal na isyu.
Seen : Tatlong beses na sinabi kahapon ni Anthony Taberna ang salitang putatsing sa Umagang Kay Ganda habang pinag-uusapan nila ni Pinky Webb ang “brunette” color. Sa takot na maaaring mag-react ang MTRCB, pinigilan ni Pinky si Anthony ngunit hindi ito nagpaawat sa pagsasabi na lugar ng mga putatsing ang isang nightclub sa Roxas Boulevard na kapangalan ng brunette.
Scene : Kung may Momoo & Me ang TV5, may Momay ang ABS-CBN. Parehong multo na may mga mabuting kalooban ang mga bida sa Momay at Momoo & Me.
Seen : Ang half-Filipina Pussycat Doll member na si Nicole Scherzinger at ang kanyang partner na si Derek Hough ang mga champion sa Season 10 ng Dancing With the Stars.
Scene : Hindi sinipot nina Sheryl Cruz, Tonton Gutierrez, at Ricardo Cepeda ang presscon ng Langit Sa Piling Mo.
SEEN : Inday Wanda ang pamagat ng sitcom ni Eugene Domingo sa TV5.