Mag-pinsan magka-away pa rin, Sheryl at Geneva nag-isnaban
Nakita namin si mommy Carol Santos sa wake ni Archie de Calma noong Wednesday night at isa sa mga tanong sa kanya ng press ay kung totoong iiwan na ni Ryan Agoncillo ang P.O.5, isa sa mga show nito sa TV5? Sabi ni mommy Carol, ang alam niya’y babalik sa Talentadong Pinoy si Ryan at last Tuesday, balik-taping na nga ito sa talent show.
Kinumpirma sa amin ng isang source na aalis na si Ryan sa P.O.5 dahil gustong maging libre ang Sunday niya at maalagaan ang buntis na asawang si Judy Ann Santos at magabayan ang anak nilang si Yohan na mag-aaral na sa pasukan.
Naintindihan si Ryan ng management ng TV5 nang magpaalam, saka kapalit ng P.O.5 ang sitcom na ididirek ni Joey Reyes at may kinu-conceptualize pang talk show na pagsasamahan nila ni Mo Twister. Huwag ding kalimutang may Eat…Bulaga pa si Ryan.
* * *
Ang laki siguro ng pasalamat ni Dennis Trillo sa dalang lollipop ni Joe Barrameda dahil ‘dun nabaling ang atensiyon ng press at nakalimutang mag-follow-up ng tanong sa isyu sa kanila ni Jennylyn Mercado, na GF at leading lady niya sa Gumapang Ka sa Lusak. Narinig pala naming ibinulong ni Dennis kay Joebarr na sa Excelsior Hotel sa Hong Kong sila nag-stay ni Jennylyn.
Sina Dennis at Carla Abellana ang magkapareha sa Love Bug (Last Romance) at tiniyak ni Dennis na hindi magseselos si Jennylyn kahit may kissing scene sila ni Carla dahil alam nitong trabaho lang ang kanyang ginagawa.
Any comment sa sinasabi ng iba na madali siyang ma-in-love at madali ring magsawa?
“Mapagmahal kasi akong tao at tungkol sa madali akong magsawa, ‘di naman. Kung nagkakaproblema ang relasyon ko hindi ko naman agad tinatapos maliban na lang kundi na puwedeng ayusin,” paliwanag ni Dennis.
Wala ng adjustment kina Dennis at Carla dahil nagkasama silang mag-host ng StarStruck V, ang kaibahan sa Love Bug, aakting sila. Sa Sunday na, May 23 ang pilot ng four-part episode ng series sa direction ni Mark Reyes at kinunan sa cruise papuntang Hong Kong.
* * *
Hindi pa rin pala friends ang magpinsang Sheryl Cruz at Geneva Cruz kahit matagal na ang isyung pinag-awayan nila at matagal ng nananahimik si Ricky Belmonte. Nagkita ang magpinsan sa set ng The Sweet Life dahil pareho silang guests, although magkaibang episode.
Hinintay ng mga tao sa studio na magbatian ang dalawa, pero kahit matabang na “hi” at “hello,” wala silang narinig. Sabagay, mas maganda ‘yun kesa mag-plastikan sila at nagpaka-propesyonal naman sila at tinapos ang kanilang guesting.
* * *
Thursday sa Diva, nalaman na ni Sam (Regine Velasquez) na si Kelly (Rochelle Pangilinan) ang may pakana sa pagkulong sa kanya sa resthouse nito. Tatakas si Sam at makikita niya sina Barang (Jaya), Martin (TJ Trinidad) at Gary (Mark Anthony Fernandez), pero bago pa niya malapitan ang mga kaibigan, pupukpukin siya sa ulo ni Lilet (Sheena Halili).
Samantala, artista na rin si Smith (Mark Herras) at ka-loveteam si Criselle (Djanin Cruz), sasabihin ni Paula (Gloria Diaz) kay Vanessa (Ynna Asistio) na liligawan ni Smith si Criselle......
- Latest
