Dra. Belo at Hayden nasa front row ng Dancing with the Stars
Walang naniniwala sa statement ni Hayden Kho, Jr. na hindi niya alam na susundan siya ni Dra. Vicki Belo sa Amerika.
Mahirap i-deny na hindi nagkita ang dalawa sa Los Angeles dahil nakunan sila ng mga litrato at nakita sila na nanonood sa studio ng Dancing With The Stars.
Hindi na maabot sina Mama Vicki at Hayden dahil nakaupo sila sa front row at katabing-katabi niya ang host na si Tom Bergeron.
Sikat na sikat sa buong mundo ang Dancing With The Stars kaya marami ang nakakita kay Mama Vicki at kay Hayden na enjoy na enjoy sa panonood. Knowing Mama Vicki, hindi nito ide-deny na nanood sila ni Hayden ng Dancing With The Stars. Malay natin, baka isa ‘yon sa mga birthday wish ni Hayden na 30 years old na today. Yes, ka-birthday ko si Hayden at ang aking apo na si Kinsey McDonald kaya happy birthday sa aming tatlo.
* * *
Pinag-uusapan si Rima Fakih dahil siya ang nag-win ng Miss USA 2010 title. Kontrobersiyal ang tagumpay ni Rima dahil Arab American ito at napansin siya ng mga hurado nang muntik na siyang madapa sa stage porke natapakan niya ang kanyang long gown.
Hindi orig si Rima dahil ang nangyari sa kanya eh naranasan ni Miriam Quiambao nang sumali ito sa Miss Universe noong 1999.
Napaupo sa stage si Miriam nang matapakan nito ang kanyang gown pero hindi siya nagpaapekto. Tumayo siya at buong confident na rumampa as in parang walang nangyari.
Hinangaan si Miriam ng judges at ng audience kaya pumasok siya sa finals at naging first runner-up sa Miss Universe.
Nang sumunod na mga taon, may mga kandidata sa Miss Universe na sumemplang habang rumarampa pero pinagbintangan na sinadya nila ang nangyari para mapansin sila ng mga hurado. Ang ending, umuwi silang luhaan dahil hindi umepek ang kanilang drama.
* * *
Mataas ang rating ng huling episode ng Dear Friend noong Linggo kaya confident ang GMA 7 na mataas din ang rating ng Love Bug, ang show na papalit sa Dear Friend at mag-uumpisa sa Linggo.
The Last Romance ang title ng unang episode ng Love Bug. Starring sina Dennis Trillo at Carla Abellana na first time na magkakasama sa isang drama anthology dahil nagkatrabaho lang sila noon sa Starstruck V bilang mga host.
Kinunan sa Hong Kong ang mga eksena ng The Last Romance. Sa presscon noong Martes ng gabi, ikinuwento ni Carla na nag-enjoy siya sa taping, lalo na sa mga eksena nila ni Dennis sa Hong Kong Disneyland.
May chance ba na magkaroon ng love affair sina Dennis at Carla? Hindi ang sagot ng mga tao sa kanilang paligid dahil boyfriend ni Carla si Geoff Eigenmann at in love naman si Dennis kay Jennylyn Mercado.
- Latest
