CEBU, Philippines - Kever lang si Maja Salvador sa isyu nga matud pa nga sige lang siya og ka-late sa nagkadaiya niya nga showbiz commitments. Tsika pa ni Maja nga mugna lang kini sa iyang mga kritiko busa dili gyud siya magpaapekto niini.
Sexbomb nakuhaan og miyembro
Giingong wala na gi-renew ang kontrata sa pipila ka mga sakop sa Sexbomb nga sila si Jacky, Cynthia ug Shane.Wa hinuon gidetalye ang rason niini.
Erich perming lagsik
Kung bakante ang oras, katulog ra gyud ang bisyo ni Erich Gonzales aron kanunay siya nga lagsik sa taping sa serye niya nga Tanging Yaman sa ABS-CBN.
Dumot
Bisan unsaun dili na gyud mabalik ang espesyal nga relasyon nila ni Rich Asuncion ug Aljur Abrenica gumikan kay matud pa nagdumot gyud ang duha sa usag-usa human sa ilang break-up kaniadto.
Snooky mibalik pagka-single
Buwag na ang aktres nga si Snooky Serna sa iyang businessman boyfriend nga si Jun de Vera.
Naruto is back
Masaksihan na ugma sa hapon ang pagbalik sa nag-una nga cartoon series kaniadto sa ABS-CBN, ang “Naruto Shippuden 3”.
Mark naneguro sa iyang career
Mihunong na si Mark Bautista sa pagpangulitawo niya kang Sarah Geronimo gumikan sa ka-busy sa iyang career.
Carmen ganahan mag-komedyante
Giangkon sa Malaysian star nga si Carmen Soo nga ganahan siya malakip sa usa ka sitcom kay gawas sa iyang pagka-drama actress, ganahan pud siya mosulod sa comedy world aron masuwayan usab niya ang ubang area sa showbiz.
Ikaw na gyud Zyrus!
Mapasalamaton kaayo ang TV 5 star nga si Zyrus “Poknat” Desamparado gumikan sa mga positibong feedback nga iyang nadawat sa programang BFGF diin mainstay siya niini uban nila ni Alex Gonzaga ug Kian Cipriano. Sa laing bahin, dili na gyud kapugngan ang pagsikat sa young actor human niya makuha ang award nga Breakthrough Performance By An Actor sa bag-ohay pa lang nga 2010 ENPRESS Golden Screen Awards . Nakuha niya ang maong titulo gumikan sa hugyaw niya nga pag-arte sa indie film nga Engkwentro.
Final week sa Love Me Again
Karon na ang katapusang semana sa Precious Heart Romances (PHR) presents Love Me Again nga gibituonan nila ni Valerie Concepcion, Tom Rodriguez, Rica Paras, Cathy Remperas ug Johan Santos. Ang maong episode pulihan na pud sa laing PHR series nga nag-ulohan og Impostor nga magsugod na karong Mayo 17 ug kini bidahan nila ni Maja Salvador, Sam Milby, Precious Lara Quigaman, Jon Avila, Jason Francisco ug Melai Cantiveros.
Jewel nahuwasan na
Dili na madayon og balhin sa laing network si Jewel Mische gumikan kay malakip siya sa umaabot nga serye nila ni Barbie Forteza ug Joshua Dionisio nga Pilyang Kerubin sa GMA-7. Kahinumduman nga napungot kaniadto sa GMA-7 ang young actress gumikan kay pipila ka buwan nga nabakante ang iyang showbiz career apan niining higayona, mapasalamaton si Jewel kay gipangga gyud siya sa iyang mother network.
Dashboard Confessional motikang sa Pilipinas
Gikahinaman na pag-ayo sa mga Pinoy ang gikatakdang pagtikang dinhi sa Pilipinas sa international band nga Dashboard Confessional alang sa usa ka konsyerto karong Mayo 27 sa Trinoma Mall. Ang maong grupo maoy nagpasikat sa kanta nga Stolen nga padayon nga gipistahan karon sa Youtube ug sa nagkadaiyang online music sites.
Aljur ug Bianca namakak?
Wala nagkatakdo ang mga lenggua nila ni Aljur Abrenica ug Bianca King sa isyu nga matud pa duna sila’y relasyon. Butyag pa ni Bianca nga dili sila close ni Aljur busa imposible ang maong intriga. Apan si Aljur misaysay nga kanunay sila magpadala ni Bianca og text message sa usag-usa .