KC tinutulungan si Piolo; Show ni Jay-R sadsad

Seen : Ang mga lumang teaser plug ng Juicy at Paparrazi na dapat nang palitan ng TV5 para hindi mag-isip ang viewers na mga lumang episode ang kanilang ipinalalabas.

Scene : Mababa ang rating ng second episode ng Take Me Out. May dapat ikabahala si Jay-R.

Seen : Kailangan ng stylist ni Shawn Yao, ang female co-host ng Sapul, ang morning show ng TV5. Hindi pang-telebisyon ang mga damit ni Shawn.

Scene : Ang denial ni Ogie Alcasid na walang kinalaman si Regine Velasquez sa resignation ni Louie Ignacio bilang direktor ng Party Pilipinas.

Seen : Buhay na buhay si Piolo Pascual. Naririto siya sa Pilipinas, wala sa New Zealand.

Scene : Tumulong si KC Concepcion sa paglilinaw na walang kato­tohanan ang balita tungkol kay Piolo. Naka-post sa Twitter account ni KC na may training si Piolo sa isang survival camp para sa kanyang bagong TV series nang kumalat ang balita na sumakabilang-buhay ang aktor.

Seen : Darating sa Pilipinas sa susunod na linggo si Allison Iraheta, ang finalist ng American Idol Season 8.

Scene : No-show si Butch Francisco sa presscon kagabi ng Startalk at Showbiz Central dahil kasabay nito ang Gawad Urian sa UP Theater. Si Butch ang punong-abala sa award-giving body ng Manunuri ng Pelikulang Pilipino.