CEBU, Philippines - Plano ni Angel Locsin nga magpatukod og eskwelahan kung dili na siya busy sa iyang career.Tsika pa sa aktres nga ganahan siya mag-maestra kaniadto apan wa kini matuman sukad siya na-busy sa iyang pagka-artista.
Sam gipulihan ni Echo
Kumpirmado nga si Jericho Rosales ang leading man ni Anne Curtis sa pinoy version sa Green Rose ug dili na si Sam Milby.
Friendship ang gipatigbabaw
Bisan nibalhin na si Rachelle Ann Go sa GMA-7 kanunay gihapon sila nga magkita sa iyang close friend nga si Nikki Gil.
Charice sa Total Girl
Ang garbo sa Pilipinas nga si Charice Pempengco maoy cover sa May 2010 issue sa international teen magazine nga Total Girl .
Pokwang gikilig sa iyang suitor
Gikilig og maayo si Pokwang sa nangulitawo kaniya nga Mexican-American nga si Ramon Navarro gumikan kay gidid-an siya niini nga mohimo og mga sexy nga eksena sa bisan unsa niya nga proyekto sa showbiz.
Rayver nag-sorry kang Cristine
Nangayo og pasaylo si Rayver Cruz kang Cristine Reyes gumikan sa pagkadamay niini sa isyu tali nila ni Sarah Geronimo.
Gerald single na
Matud pa nga bag-ohay pa lang nga nagkabuwag sila si Gerald Santos ug ang iyang uyab nga usa ka non-showbiz girl .Wa gidetalye ni Gerald ang hinungdan sa ilang break-up.
Nganong sexy si Iza?
Gipadayag ni Iza Calzado nga bisan busy siya, mogahin gyud siya og oras sa pag-exercise matag adlaw ug mao kini ang hinungdan nga misamot siya ka-sexy karong panahona.
Richard naglutaw sa kalipay
Late si Richard Gutierrez sa dinner presscon niadtong Lunes sa gabii, tungod kay nakig-meeting pa siya kang direk Rico Gutierrez nga maoy napiling modirek sa umaabot nga weekly environmental show sa aktor nga magtuki sa mga nagkadaiyang kalamidad nga mihugpa sa nasud.
Tsika sa Pang-Masa nga atol sa panihapon, excited nga gipahibawo ni Richard nga molarga siya karong May 2 aron motambong sa New York International Television & Film Awards nga ipahigayon sa Penthouse Lobby sa American Airlines Theatre sa Manhattan, New York karong Monday, May 3.
Nasayran nga finalist sa Environment & Ecology category ang “Planet Philippines” nga gisalida sa GMA-7, diin dili lamang host si Richard kundi apil sa concepctualization hangtud na sa taping niini.
Suma pa ni Richard ngadto sa Pang-Masa, hangtud karon dili pa siya makatuo nga finalist sila sa maong prestihiyoso sa maong international award-giving body, unya na siya siguro niya pa mutuo kung sakay na siya sa eroplano paingon sa New York.
Kauban ni Richard didto ang Ella Evangelista nga producer sa maong show ug usa ka cameraman nga maoy mo-cover sa awards night. May 5, sila mahibalik.
Bag-ong laki ni Booba
Gi-display na gyud ni Ethel Booba ang iyang bag-ong uyab nga bagets, nga ginganlan og Marius Em.
Kini matud pang ang maong lalaki ang nakit-ang kauban ni Ethel didto sa airport sa Bicol sa ilang pagpaingon sa Boracay niadtong Holy Week. Kamatuoran matud pa kini nga naka-move on na si Ethel human sila nagbuwag ni Alex Crisano.
Gani sa Facebook account ni Ethel diin gibalandra kining maong mga hulagway, gipasiatab niini nga “ engaged” na siya. Seryoso gyud matud pa ang duruha sa ilang gugma, ug dunay mga suod ni Ethel nga miingon nga hayan si Marius na maoy igdayon sa nahisgutang komedyana.
Mocha Girls bungkag na
Nabungkag na ang sexy all-female group nga Mocha Girls. Kini human ang upat ka mga sakop niini nga sila si Hershey Delas Alas, Bez Lacanlale, Grace Oracion, ug Heart de Guzman maoy mibiya sa grupo ug nagtukod og bag-ong pundok nga ilang gitawag og Girlz Ink.
Gipahibawo nilang upat ang maong kalambuan atol sa ilang launching niadtong Lunes sa gabii. Hugtanon nilang gipanghimakak nga kwarta ug professional jealousy ang hinungdan sa ilang pagbiya, ug nangangkon nga buot lamang nilang makamugna og kaugalingon tatak sa industriya.
Ang kontrobersyal nga lider sa maong grupo sa Mocha Girls nga si Mocha Unson, nanghinaot nga maglampuson ang iyang kanhi mga kauban ug mipahibawo nga nagkuha na siya og bag-ong back-up dancers ug singers.