Seen : Ang komento ni Manny Pacquiao na hindi siya naniniwala na nagpakamatay ang Venezuelan boxer na si Edwin Valero. Wala sa lugar si Pacquiao upang pagdudahan ang imbestigasyon ng Venezuelan Police. Makabubuti na mag-concentrate si Manny sa pangangampanya niya sa Saranggani.
Scene : Hindi napanood noong Martes ng gabi ang Kung Tayo’y Magkakalayo. “Technical problems” ang paliwanag na ibinigay ng ABS-CBN dahil nasira ang kanilang mga editing machine.
Seen : Ang baluktot na Tagalog ni Jay-R sa unang episode ng Take Me Out, ang dating game show ng GMA. Si Jay-R ang host ng Take Me Out.
Scene : Galit at palaging nagtataray si Senator Richard Gordon sa kanyang mga TV interview. Nakakabawas ng boto ang mga pagtataray ni Gordon.
Seen : Ang apela ng fans ni Claudine Barretto sa GMA 7 management na bigyan siya ng magagandang materyal at role sa kanyang drama anthology. Predictable daw ang kuwento ng mga nakaraang episode ng Claudine.
SEEN : Hindi friendly ang staff ni Senator Pia Cayetano. Hinaharang nila ang mga tao na gustong magpa-picture na kasama si Senator Cayetano.