CEBU, Philippines - Giklaro sa commercial model-turned-actor nga si Lemuel Pelayo nga wa sila nagkauyab sa Starstruck V Avenger nga si Princess Snell. Tsika pa niya nga igo ra sila nga nagka-date ni Princess duha ka tuig na ang milabay ug taud-taud na sila nga wa nagkakita. Samtang gidepensahan ni Lemuel si Princess sa isyu nga matud pa nga hilig kini makig-date og mga politicians sa wala pa kini ma-artista. Matud pa ni Lemuel nga imposible ang maong isyu sanglit gwardiyado permi si Princess sa inahan niini.
Maxene nagdumot kang JC?
Nagpa-audition ang pipila ka Starstruck V boys nga Rocco Nacino, Enzo Pineda, Sef Cadayona, Piero Vergara, ug Burgos alang sa Sine Novela nga Bakit Kaytagal ng Sandali? Sa GMA-7. Nasigpatan usab nga milantaw sa maong audition si Maxene Magalona nga gidudahan nga nangita og leading man alang sa maong proyekto. Giingong si JC Tiuseco unta ang iyang leading man apan wa mosugot si Maxene human sa ilang break-up.
Mark nagbinantayon sa iyang lihok
Tua karon si Mark Herras sa Subic uban sa pamilya sa iyang rumored girlfriend nga si Ynna Asistio. Nagsaulog karon sa iyang birthday ang inahan ni Ynna nga si Nadia Montenegro. Sa laing bahin, nakugang si Mark kabahin sa pagsabak ni LJ Reyes, pero bilib siya sa sitwasyon kay gibarogan gyud kini ni Paulo Avelino.Gipadayag usab ni Mark nga dili siya buot nga mahitabo kini ni Ynna gumikan kay dako kaayo ang pagsalig kaniya sa pamilya sa aktres.