Birthday ni Regine Velasquez sa April 22 at 40 years old na siya sa nasabing petsa. Isang mamahaling bag ang advance birthday gift sa kanya ni Ogie Alcasid, pero hindi binanggit ang brand. Birthday gift naman ng staff ng Diva ang one week vacation kay Songbird dahil hindi muna siya magti-taping sa darating na linggo.
Sa Bohol magbi-birthday si Regine with Ogie, her family and Ogie’s family. Sa taping ng Diva last Friday, binigyan siya ng birthday party ng staff ng show sa pangunguna ni direk Dominic Zapata at ang EP na si Camille Montaño at Regine Velasquez Friends, her fans.
Birthday gift din kay Regine ang positive feedback at mataas na ratings ng Diva at ang nabalitaang extended for one month ang kantaserye. Tuwang-tuwa rin ito na maraming singers at artista ang gustong mag-guest sa show at nabanggit sina Dra. Vicki Belo, Andrew E, April Boy Regino at posibleng Parokya ni Edgar at baka matuloy si Richard Gutierrez.
“I’ll be turning 40 and I’m glad people still find me interesting. I’m glad people still buy my album, watch my TV shows and movies. I’m thankful na patuloy akong sinusuportahan. I can’t really ask for anything dahil lahat ng gusto kong gawin, ibinibigay sa akin.”
Dahil marami ang buntis sa showbiz, nagbiro si Regine na marami na siyang naka-line-up na paglilihihan ‘pag siya ang nagbuntis at binanggit niya sina Heart Evangelista, Andi Eigenmann at Kim Chiu.
Samantala, may treat ang Diva sa loyal viewers nito at simula bukas, may text promo ang show at ang makakasagot ng tama ay bibigyan ng free tickets at free cottage sa 8 Waves. Abangan din ang pagsayaw ni Regine ng buong song number sa kantaserye.
* * *
Kahapon ang storycon ng Langit sa Piling Mo na pagbibidahan nina Heart Evangelista at Katrina Halili. Leading man daw ni Heart si Mark Herras at kasama pa si Joross Gamboa as one of her leading men at isa pang actor.
Si Lovi Poe ang original choice na makasama ni Heart, pero tinanggihan daw ng singer-actress at ibinigay kay Katrina. Kung tama ang balita, bukas na ang start ng taping ng Langit sa Piling Mo at sometime in May ang airing nito’t papalit sa First Time. Ang taping ng bagong soap ang inirason ni Heart kung bakit hindi siya nakasama sa Party Pilipinas sa Dagupan.
Pasok na sa Panday Kids si Katrina sa role ng kakampi ng Panday Kids, pero ‘di raw maapektuhan ang taping niya for her two shows. Marami na rin ang nag-aabang sa magiging working relationship nila ni Heart.