CEBU, Philippines - Aduna na’y inspirasyon si KC Concepcion apan nagdumili siya sa pagbutyag sa pangalan niini.
Ikaduhang album ni Myrus
Gisugdan na karon sa Viva Records ang paghimo sa ikaduha nga album sa Sentimental Prince nga si Myrus Ramirez. Ang nahisgutan nga album gikatakdang ilusad karong Hulyo.
WOWOWEE gibalibaran ni Sam
Giangkon ni Sam Pinto nga nakadawat siya og offer aron himuong host sa Wowowee apan iya kini nga gibalibaran gumikan kay buot niya nga mo-focus sa iyang acting career.
Shawie ganahan og Horror Movie
Matud pa nga mihangyo karon si Sharon Cuneta sa ABS-CBN nga usa napud ka horror movie ang iyang sunod nga proyekto sa Star Cinema.
Paolo and Bodie
Paolo and Bodie ang titulo sa bag-ong show nila ni Paolo Paraiso ug Bodie Cruz sa QTV 11 .
Gender ni Eslove gidudahan
Gidudahan ang gender karon sa PBB Teen Clash 2010 housemate nga si Eslove Briones gumikan kay kusog kaayo kini mokiay ug nasayran usab nga ang paborito niya nga modelo mao si Sam Milby.
Ranier nakauyon sa PO5
Matud pa sa usa sa mga bituon sa PO5 nga si Rainier Castillo nga malipayon siya sa maong show kay daghan siya og naila-ila nga mga bag-ong personalidad sa showbiz.
LJ Reyes nagsabak ?
Mitumaw karon ang report nga matud pa nga nagsabak gyud ang Kapuso star nga si LJ Reyes . Giingong milarga si LJ sa New York gumikan kay gusto niini nga iyang makauban ang iyang mga ginikanan sa higayon nga iya na nga ihimugso ang iyang anak. Daghan ang gisayangan ni LJ sanglit duha unta ang iyang mga programa karon sa GMA, ang Bubble Gang ug Ina, Kasusuklaman Ba Kita?. Gidudahan usab nga ang iyang kanhi boyfriend nga si Paulo Avelino maoy amahan sa gisabak ni LJ.
“Wachamakulit” mobirada ugma
Gisuwerte og maayo ang career ni Eugene Domingo sa GMA-7 gumikan kay human sa usa ka episode sa “SRO Cinemaserye Presents: Hot Mama,” gisundan dayon kini og usa ka kiddie show nga nag-ulohan og “Wachamakulit” .Ang maong programa makita na sugod ugma sa hapon. Ang maongn show ubos sa direksyon ni Joyce Bernal. Gawas sa “Wachamakulit” , busy usab si Eugene sa taping sa seryeng First Time.
Relasyong DongYan nagkainit
Tsika pa ni Marian Rivera nga samtang nagkadugay ang relasyon nila ni Dingdong Dantes, iyang nabantayan nga misamot kini kaguwapo ug dili maigo ang mga pulong sa paghulagway niini. Tsika pa ni Marian nga tungod ni Dingdong, nakaamgo siya nga dili gyud niya ma-please ang mga tawo. Gani mingawon og maayo ang aktres kang Dingdong sa higayon nga dili sila magkakita og pipila ka adlaw.
Sheree mapugos sa pagpanigarilyo
Sa wala pa ang Holy Week, nakaangkon og bronchitis si Sheree gumikan kay maughan siya kanunay og singot tungod sa iyang mga showbiz commitments busa gitambagan siya sa doktor nga likayan ang pagpanigarilyo. Pero sa programang Dear Friend presents Tisay sa GMA-7, gikinahanglan niya nga moarte nga nanigarilyo.